Ońtústik Koreıa kelissózge kelisim berdi

Ońtústik Koreıa basshylyǵy Koreıa Ha­lyq-Demokratııalyq Respýblıkasyna eki eldiń qorǵanys mınıstrleri deńgeıinde ke­lissóz júrgizýdi bastaý týraly usynys bildirdi. О́z kezeginde Soltústik Koreıa taraby da eki jaqtyń ómirin ýlandyrǵan ótkir problemalardyń tigisin jatqyzýǵa daıyn ekenin málimdedi. 12 qańtarda Seýl Phenıanmen Qyzyl krest jáne tikeleı telefon arqyly baılanysty jandandyrýǵa kelisken edi. Al eki Koreıa arasyndaǵy baılanys 2010 jyldyń mamyrynda Sary teńizde Ońtústik Koreıanyń áskerı korabli sýǵa batyp ketkennen keıin toqtatylǵan bolatyn. Seýl buǵan Phenıandi kinálaǵan edi. Munyń sońy qystyń basynda eki jaqty atysqa ulasqany taǵy málim. OBAMA EKINShI MERZIMGE ESIK QAQPAQ AQSh prezıdenti Barak Obama 2012 jy­ly ekinshi merzimge saılanýǵa nıetti ekenin bildirip qalǵan syńaıly. Qazirgi prezı­dent­tiń mundaı josparlarymen Aq úıdiń basp­a­sóz hatshysy Robert Gıbbs bólisip otyr. Sarapshylar demokrattardan kandıdat Obamanyń qaıta saıla­ný­ǵa basty ýájderi densaýlyq saqtaý salasyndaǵy reformany aıa­ǵyna deıin jetkizý, el áskerlerin Iraktan shyǵarý, AQSh-tyń áske­rı mıssııasyn Aýǵanstanda jalǵastyrý, sondaı-aq Obama ákim­shiliginiń álemdik qarjy daǵdarysy kezindegi utymdy is-áreketteri bolmaq dep sanaıdy. RESEILIK ZEINETKERDI SATQYN DEP TAPTY Jaqynda О́zbekstanda 63 jastaǵy reseılik zeınetker Iýrıı Korepanov sottal­ǵan kórinedi. Ol Tashkentte turatyn uly­nyń úıine qonaqqa kelse kerek. Al jergilikti bılik Reseı azamatyn «otanyna satqyndyq jasady» dep aıyptaǵan. Atap kórsetetin jáıt – Sverdlov oblysynyń týmasy Iý.Korepanov KSRO ýaqytynda О́zbekstanda áskerı qyzmet atqaryp, osy elde 40 jyl turǵan. 2003 jyly Reseı azamattyǵyn alyp, tarıhı otanyna qaıta oralǵan. О́zbekstan bıligi Iý.Korepanovqa otanyn satty degende ony óz azamaty sanaıtyndaı. Jáne bir atap óterligi – sot jabyq esik jaǵdaıynda ótkendikten, reseılik zeınetkerge naqty qandaı kiná taǵylǵany beımálim. «BOSTANDYQ FLOTILIIаSYN» QARALAP OTYR Izraıl Gaza sektoryna júk jetkizbekshi bol­ǵan «bostandyq flotılııasyn» sha­bý­yl­da­ǵanda halyqaralyq quqyq nor­ma­la­ryn buz­ǵan joq. Mundaı kesimdi sheshimdi osy oqı­ǵa­ny teksergen ızraıldik komıssııa shyǵaryp otyr. 2010 jylǵy mamyr aıynyń sońynda atalǵan flotılııany basyp alý barysynda 9 túrik azamaty óltirilgeni belgili. Oqıǵany halyq­ara­lyq qoǵamdastyqtyń jan-jaqty jazǵyrǵany da jasyryn emes. Biraq jergilikti komıssııa ózimizdiki durys dep halyqaralyq qoǵam­das­tyqqa jar salǵanda, jaranyń beti ashylmasa, jazyla qoıar ma eken?! IRAKTA TYNYSh О́MIR ORNAMAI TUR Iraktyń Kerbela qalasyndaǵy qosar­lan­ǵan lańkestik saldarynan kem degende 45 adam qaza tapty. Kerbela provınsııasy zań shyǵarý jınalysynyń spıkeri Mu­ham­med Hamıd ál-Musaýı terrorshy­lar­dyń qalanyń qarsy betterindegi kóshe­ler­de eki avtomobıldi jarǵanyn habarlady. Lańkestik shııtterdiń ımamy Hýseınniń qaza bolǵan kúnine 40 kún tolýyna oraılastyryp jasalǵan. Ol VII ǵasyrda súnnıtter, ıaǵnı shııtterdiń jaýlarynyń qolynan opat bolǵan kórinedi. Jyl saıyn osy ýaqytta shııtter úshin qasıetti qala sanalatyn Kerbelaǵa Irak pen ózge de elderden júzdegen myń taǵzym etýshiler jınalady eken. EÝROPARLAMENT SANKSIIа ENGIZÝGE ShAQYRDY Eýroparlament Belarýs bıligine qar­sy shuǵyl túrde sanksııa engizý týraly qarar qabyldady. Atap aıtqanda, depýtattar Belarýs basshylyǵyna, sondaı-aq quqyq qorǵaý organdary qyzmet­ker­leri men sýdıalarǵa Eýropa vızasyn berýge tyıym salýdy jáne elge qarjylaı kómek kórsetýdi toqtatýdy usynyp otyr. Eýroparlament ókilderiniń pikirinshe, buǵan Belarýs oppo­zısııasyn qýǵyndaý sebep bolyp tabylady. Al sanksııa engizilgen jaǵdaıda tutqynda otyrǵan oppozısıonerler túgel bosatylǵansha kúshinde bolýy tıis. Jalpy, prezıdenttik saılaý nátıjesine narazylyq bildirip, ótken jyldyń 19 jeltoqsanynda tutqyn­dalǵandardyń kópshiligi bostandyqqa shyǵarylǵan bolatyn. Búginde qamaýda 30 adam qalyp otyr. ǴASYR URLYǴYN UIYMDASTYRǴAN USTALDY Fransııa polısııasy 67 jastaǵy Jak Kassandrıdi tut­qynǵa aldy. Ol osydan 30 jyl buryn Nısse qalasyndaǵy So­ciete Generale bankin tonaýdy uıymdastyrdy dep aıyp­ta­lýda. 1976 jyldyń 18 shildesinde jasalǵan qylmys kúni búginge deıin naqty ashylmaǵan edi. Ońaı jolmen aqsha tappaq bolǵan top Nıssedegi asa iri bank­terdiń biriniń astyn úńgip qazyp, dittegen maqsattaryna qol jetkizgen edi. Al urlyqtyń ózi ábden búge-shigesine deıin jos­par­lanǵany anyq-tyn. Sóıtip, baýkespelerdiń «oljasy» 50 mıllıon frankti (qazirgi ekonomıkalyq jaǵdaıda 30 mıllıon eýro sha­masynda) quraǵan edi. Qysqa qaıyryp aıtqanda Reseı Prezıdenti Dmıtrıı Medvedev táýelsiz Palestına memleketin 1967 jylǵy shekara negizinde belgilep qurý jón bolady degen kózqaras bildirdi. Rım Papasy Benedıkt XVI-nyń on segiz tilge aýdarylǵan suhbattarynyń jınaǵy katolıkter kóp qonystanǵan elderde mıllıon danamen tarap, satyldy. Máskeýdiń burynǵy meri Iýrıı Lýj­kov­qa Latvııada turýǵa ruqsat berilmedi. Osylaı bolýy yq­tımal ekeni, onyń sebebi buǵan deıin jazylǵan bolatyn. Nıý-Iorkte Federaldyq tergeý bıýrosy men polısııanyń birlesken arnaıy operasııasy nátıjesinde mafıozdy toptar­dyń 100-den astam múshesi tutqyndalǵan. Izraıl prezıdenti Shımon Perestiń zaıyby Sonıa Peres kóz jumdy. Ol 87 jasta eken. Sonıa Peres (qyz kezindegi tegi Gelman) 1923 jyly Ýkraınada týǵan kórinedi. Internet materıaldary negizinde ázirlendi.