2016 jylǵy 14 sáýir. Astana, Úkimet Úıi
Almaty qalasynda 2017 jylǵy 28-shi Búkilálemdik qysqy Ýnıversıadany ótkizý jónindegi keıbir máseleler týraly
«Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasy Zańynyń 39-baby 3-tarmaǵynyń 34) tarmaqshasyna, Qazaqstan Respýblıkasy Prezıdentiniń 2016 jylǵy 11 naýryzdaǵy №858-3 tapsyrmasyna sáıkes Qazaqstan Respýblıkasynyń Úkimeti qaýly etedi:
1. Mynalar Almaty qalasynda 2017 jylǵy 28-shi Búkilálemdik qysqy Ýnıversıadany (budan ári - Ýnıversıada) ótkizý boıynsha is-sharalardy iske asyrý aıasynda taýarlar, jumystar jáne kórsetiletin qyzmetter satyp alynatyn ónim berýshiler bolyp aıqyndalsyn:
1) Ýnıversıadany daıyndaý jáne ótkizý boıynsha - «Almaty qalasynda 2017 jylǵy 28-shi Búkilálemdik qysqy Ýnıversıadany daıyndaý jáne ótkizý jónindegi dıreksııa» memlekettik qory;
2) halyqaralyq telehabar taratýdy, hronometraj júıesin, nátıjelerdi shyǵarýdy, televızııalyq grafıkany, akkredıtteýdi jáne bılettendirýdi, sport jabdyǵyn jalǵa berýdi, saqtandyrýdy, oıyndardy basqarýdy jáne aqparattyq servısterdi, halyqaralyq habar taratý, akkredıttelgen, tehnıkalyq, operasııalyq, bas sporttyq jáne baspasóz ortalyqtarynyń jumystaryn, qajetti aqparattyq-kommýnıkasııalyq ınfraqurylymdy, aqparattyq-baǵdarlamalyq qamtylymdy, qurylymdyq kabel jelisin jáne basqa da ilespe qyzmetterdi uıymdastyrý boıynsha - «Federation Internationale du Sport Universitaire» (Ǵ.I.8.1I.)» halyqaralyq kommersııalyq emes qaýymdastyǵy;
3) Ýnıversıadanyń sporttyq obektilerin daıyndaý jáne jalǵa berý boıynsha - «Chimbulak Development», «Sport jáne mádenıet kesheni», «Suńqar» shańǵy tramplınderiniń halyqaralyq kesheni», «Chimbulak ski resort» jaýapkershiligi shekteýli seriktestikteri jáne Qazaqstan Respýblıkasynyń Mádenıet jáne sport mınıstrligi Sport jáne dene shynyqtyrý isteri komıtetiniń «Alataý» qysqy sport túrleri boıynsha respýblıkalyq joǵary sport sheberligi mektebi» respýblıkalyq memlekettik qazynalyq kásiporny;
4) Ýnıversıada kezinde sporttyq obektilerin daıyndaý jáne jalǵa berý, qatysýshylardy tamaqtandyrý men ornalastyrýdy uıymdastyrý boıynsha - «Almaty qalasynyń sporttyq ǵımarattary dıreksııasy» jaýapkershiligi shekteýli seriktestigi;
5) konsýltanttardyń qyzmeti boıynsha «Sporttyq jobalar dıreksııasy» jaýapkershiligi shekteýli qoǵamy.
2. Osy qaýlynyń oryndalýyn baqylaý Almaty qalasynyń ákimi B.Q.Baıbekke júktelsin.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV