Naqty sheshimder kóshbasshysy

Keshe «Nur Otan» HDP Astana qalalyq fılıalynyń HIV esep berý-saılaý konferensııasy ótti. Elordadaǵy Saryarqa, Esil, Almaty aýdandarynda ótken esep berý konferensııalarynan saılanǵan nurotandyq belsendi delegattar aldymen fılıaldyń esep berilip otyrǵan kezeńinde atqarylǵan jumystarmen tanysty. Ol jaıynda baıandamany «Nur Otan» HDP Astana qalalyq fı­lıa­ly tóraǵasynyń birinshi oryn­basary Ámirhan Rahymjanov ja­sady. Jyldan jylǵa partııaǵa mú­­shelerdiń sany artyp, bas­taýysh partııa uıymdarynyń da qarasy molaıǵanyn aıtqan ol naqty my­nadaı sandardy alǵa tartty. Atap aıtqanda, 2011 jyldyń 1 qań­ta­ryn­da qaladaǵy partııa mú­sheleri­niń sany 30 054-ke jetken. Bul degenimiz, ótken jyly partııa qa­tary qala boıynsha 9 571 adamǵa óskenin kórsetedi. So­nymen q­a­tar, ótken jyly partııa qatary­nan túrli sebeptermen 3 063 adam shyǵarylǵan. Olardyń basym bó­ligi partııa jarǵysyn orynda­maý boıynsha shyǵarylsa, 0,6 paıyzy partııadan korrýpsııalyq qareket­teri úshin alastalǵan. Elbasynyń sarabdal saıasaty arqasynda bizder jańa bıikterdi baǵyndyrýda­myz, degen Ámirhan Raqymjanov alǵa qoıǵan maqsattarǵa jetý úshin partııa músheleri qoǵamnyń qozǵaýshy kúshi bolýy tıis dep oı túıindedi. Konferensııany basynan aıa­ǵy­na deıin qala ákimi Imanǵalı Tas­maǵambetov júrgizip otyrsa, onyń jumysyna Parlament Se­natynyń Tóraǵasy Qasym-Jo­mart Toqaev qa­tynasyp, sóz sóı­ledi. Ol óz sózinde «Nur Otan» partııasy­nyń astana­lyq fılıa­lynyń múshe­lerin Qazaq­stan Res­pýblıkasynyń Tuń­ǵysh Pre­­zı­denti Nursultan Nazar­baevtyń óki­lettigin uzartý jónin­degi re­fe­ren­dýmdy ótkizý bastama­syn qol­daýǵa shaqyrdy. «Az ǵana mer­zim ishinde partııamyz­dyń Tór­aǵa­­s­y, Tuń­­ǵysh Prezıdentimiz – El­b­asy Nur­s­ultan Nazar­baev­tyń erik-jigeri men saıası kóregen­digi­niń ar­qa­synda eńsergen asýlary­myz kóp. Qol jetkizgen jetistik­terdiń syry – Prezıdenti­miz­diń kóregen­dik, jasampaz strate­gııa­synda. Bul strategııa eń aldy­men halyqtyń yrysyn molaıtyp, birligin nyǵaı­týǵa, ult­tyq múdde­mizdi qorǵaýǵa ba­ǵyttal­ǵan. Iаǵnı, bola­shaq da­mýy­myzdyń birden-bir kepili. Tórt­kúl dúnıe As­tanany saıası, ekonomıka­lyq jáne dinı ma­ńyzy zor iri or­ta­lyq retinde biledi. Qa­zaq eli men Elbasynyń bedelin as­qaq­tat­qan EQYU Sammıti­niń jo­ǵa­ry deńgeıde ótkeni sony taǵy bir aıshyqtady. Memleket bas­shysy Astanany eldiń tiregi, úı­le­sim men birliktiń uıytqysy, aqyl men kúsh-qaırattyń altyn dińgegi dep sanaıdy», – dedi Senat Tóraǵasy. Búgin tórtkúl dúnıeniń Otany­myzdy damyǵan, ekonomıkasy tu­raq­tanǵan el retinde moıyndaýy jáne elimizdiń azamattyq qoǵam qurý jolynyń oń baǵasyn alyp, beldi-beldi halyqaralyq uıym­dar­ǵa tóraǵalyq etý qurmetine ıe bolyp otyrǵany ulttyq sanamyz­dy naǵyz egemendik deńgeıge jetkizýge tıis, degen de oıyn jetkizdi Qasym-Jomart Kemeluly. Jáne ol eldegi barlyq jetistiktiń Ult Kóshbasshysynyń esimimen tyǵyz baılanysty ekenin basa aıtty. Konferensııaǵa qatysýshylar jıynda partııanyń aldaǵy bola­tyn XIII sezine delegattar saılaýmen qatar, «Nur Otannyń» qa­lalyq fı­lıalynyń tóraǵasyn da aıqynda­dy. Sóıtip, konfe­ren­­sııa­ǵa qatysý­shy 237 delegat Imanǵa­lı Tas­ma­ǵambetovtiń kandıdatýra­syn bir­aýyz­dan qoldady. Al par­tııanyń elordalyq fılıaly tór­aǵ­asynyń birinshi orynbasary bo­lyp Ámir­han Raqymjanov qaı­ta saılandy. Jalpy, konferensııanyń kún tártibine 8 másele shyǵarylyp, olardyń barlyǵy boıynsha tıisinshe tyńdaýlar boldy jáne sheshimder qabyldandy. Anar TО́LEÝHANQYZY. Astana.