Táýelsizdik – baǵa jetpes qundylyq

Keshe Aqordada Memleket basshysy Nursultan Nazarbaev­tyń tóraǵalyq etýimen Qazaqstan Respýblıkasy Táýel­siz­di­gi­niń 20 jyldyq mereıtoıyn ótkizýge arnalǵan keńes bolyp ótti. Keńeske birqatar mınıstrlikterdiń basshylary, oblys­tar­dyń, Astana men Almaty qalalarynyń ákimderi qatysty. Onda Táýelsizdiktiń 20 jyldyǵyn ótkizýge daıyndyq ju­mystary jáne Tujyrymdama men mereıtoıdy ótkizýdegi sharalar jospary talqylandy. Memleket basshysy keńeste sóılegen sózinde Qazaqstan hal­qyna Joldaýyn barsha qazaq­stan­dyqtarǵa túsindirý jumystaryn jan-jaqty júrgizý úshin Úki­metke, memlekettik organdarǵa, «Nur Otan» partııasyna tap­syr­malar berdi.  Prezıdent, sondaı-aq el Táýelsizdiginiń 20 jyl­dy­ǵyn keń kólemde atap ótýge baı­lanysty oıyn ortaǵa sala kelip, osy jyldar ishinde Qazaq­stan­nyń qol jetkizgen tabystaryn qazaqstandyqtarǵa ǵana emes, shet memleketterge de tanystyrý qajettigin atap kórsetti. Táýel­sizdik – bizdiń eń basty ıgiligimiz, baǵa jetpes qundylyǵymyz, dedi Prezıdent osy jaıynda. Keńeste mereıtoıǵa daıyn­dyq barysy jóninde Memlekettik hatshy – Syrtqy ister mınıstri Qanat Saýdabaev baıandama jasady.  Sonymen qatar, Prezıdent Ákimshiligi Basshysynyń orynbasary Máýlen Áshim­baev­tyń, Mádenıet mınıstri Muhtar Qul-Muhammedtiń,  Bilim jáne ǵy­lym mınıstri Baqytjan Ju­ma­ǵulovtyń jáne «Nur Otan» ha­lyqtyq-demokratııalyq partııasy Tóraǵasynyń birinshi oryn­ba­sa­ry Nurlan Nyǵmatýlınniń habar­lamalary tyńdaldy. Keńes qorytyndysynda Memleket basshysy Qazaqstan Táýel­sizdiginiń 20 jyldyq mereıtoıyn ótkizý sharalaryna baılanysty mınıstrlikter basshylaryna bir­qatar tapsyrmalar berdi. Álısultan QULANBAI. (Keńeste talqylanǵan máse­le­ler týraly keńeıtilgen materıal gazettiń kelesi nómi­rin­de jarııalanady).