Germanııada fýtbol alańyna naızaǵaı tústi

ASTANA. 28 mamyr. Germanııada fýtbol alańyna naızaǵaı túsip, 35 adam túrli deńgeıde jaraqat aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Zardap shekkenderdiń 30-y balalar. Oqys oqıǵa memlekettiń batys aımaǵyndaǵy Hopshtedten eldi mekeninde match kezinde oryn aldy. Berliner Zeitung basylymynyń habarlaýynsha, sol sátte fýtbol matchy bolyp jatqan. Málimetter boıynsha, aýa raıynyń buzylýy tirkelmegen. Al jańbyr jaýǵan sátte oıyn aıaqtalyp qalǵan bolatyn. Naızaǵaı túsýiniń saldarynan 9-12 jastaǵy birneshe balanyń jáne bir er adamnyń júrek qaǵysy nasharlaǵan. Sonymen qatar, dárigerler úsh adamnyń jaǵdaıy múshkil ekenin málimdedi. Rheinpfalz basylymy 11 balanyń, 11 eresek adamnyń aýrýhanaǵa jatqyzylǵanyn habarlady. Al qalǵandarynyń jaǵdaıy bir qalypqa tústi. Aıan Ábdýálı. Derek, foto: RIA «Novostı».