Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №390 

  2015 jylǵy 27 mamyr,Astana qalasy Pasıentter quqyqtarynyń qorǵalýyn qamtamasyz etý maqsattarynda medısınalyq uıymdarda qoldanylatyn tehnıkalyq baqylaý quraldaryn, baıqaý jáne tirkep-belgileý aspaptaryn, foto-, beıneapparatýralardy qoldaný qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1- tarmaǵynyń 6-1) tarmaqshasyna sáıkes buıyramyn: 1. Qosa berilip otyrǵan Pasıentter quqyqtarynyń qorǵalýyn qamtamasyz etý maqsattarynda medısınalyq uıymdarda qoldanylatyn tehnıkalyq baqylaý quraldaryn, baıqaý jáne tirkep-belgileý aspaptaryn, foto-, beıneapparatýralardy qoldaný qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde onyń kóshirmelerin merzimdi baspasóz basylymdarynda jáne Qazaqstan Respýblıkasy normatıvtik quqyqtyq aktileriniń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2), 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 mamyrdaǵy №390 buıryǵymen bekitilgen Pasıentter quqyqtarynyń qorǵalýyn qamtamasyz etý maqsattarynda medısınalyq uıymdarda qoldanylatyn tehnıkalyq baqylaý quraldaryn, baıqaý jáne tirkep-belgileý aspaptaryn, foto-, beıneapparatýralardy qoldaný qaǵıdalary 1. Jalpy erejeler 1. Osy Pasıentter quqyqtarynyń qorǵalýyn qamtamasyz etý maqsattarynda medısınalyq uıymdarda qoldanylatyn tehnıkalyq baqylaý quraldaryn, baıqaý jáne tirkep-belgileý aspaptaryn, foto-, beıneapparatýralardy qoldaný qaǵıdalary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1 - tarmaǵynyń 6-1) tarmaqshasyna (budan ári – Kodeks) sáıkes olardy qoldaný tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) anyqtama-aqparattyq úı-jaılar – ádistemelik aqparat kabınetteri, anyqtama berý bólimi; 2) jeke gıgıena úı-jaıy – ájethanalar, vannalar, dýsh bólmeleri; 3) mamandandyrylǵan medısınalyq uıymdar – narkologııalyq, psıhıatrııalyq jáne týberkýlezge qarsy uıymdar; 4) tehnıkalyq quraldar (TQ) – tehnıkalyq baqylaý quraldary, baıqaý jáne tirkep-belgileý aspaptary, foto-, beıneapparatýralar; 5) úı-jaılardyń aýmaǵy – dálizder, tirkeý ornymen vestıbıýl, dárihana dúńgirshegi, arba qoıatyn jer, kelýshiler men qyzmetkerler úshin kıim iletin jer, anyqtama-aqparattyq úı-jaılar, qabyldaý bólimshesinde ambýlatorııalyq-emhanalyq uıymnyń aqyly qyzmetterge aqshany qabyldaý kassasynyń úı-jaıy jáne stasıonarlyq kómek kórsetetin uıymnyń shyǵarý úı-jaıy. 3. TQ qoldaný bul obektıvti shyndyqty bilý úshin bolyp jatqan is-qımyldardy, oqıǵalardy, faktilerdi belgileý maqsatynda TQ paıdalanýdy bildiredi. 4. TQ ishki jáne syrtqy bolyp bólinedi: 1) ishki TQ medısınalyq uıymdardyń úı-jaılaryna ornatylady; 2) syrtqy TQ baqylanatyn aýmaqty tolyq qamtýǵa múmkindik beretin qashyqtyqtaǵy aýmaqtyń perımetri boıynsha ornatylady. 5. Baqylaý obektileri: 1) medısınalyq uıym aýmaǵyndaǵy úı-jaıdaǵy azamattar; 2) medısınalyq uıymda emdelýde júrgen pasıentter; 3) medısınalyq uıymnyń aýmaǵy men úı-jaıy bolyp tabylady. 6. TQ ornalasqan jerlerde «Obekti beınebaqylanady» degen jazýmen mańdaısha ornatylady. 2. Densaýlyq saqtaý uıymdarynda tehnıkalyq baqylaý quraldarynyń, baıqaý jáne tirkep-belgileý aspaptarynyń, foto-, beıneapparatýralardyń ornalasýy 7. TQ ornalasýy (bir nemese birneshe jerde) belgilengen aýmaqty baqylaýmen múmkin bolatyn qamtýdyń jáne is-qımyldy belgileýdiń qajettiligimen aıqyndalady. 8. TQ ambýlatorııalyq-emhanalyq kómek kórsetetin uıymdarda ornatylady: 1) jalpy úı-jaıdyń aýmaǵynda; 2) emdeý-dıagnostıkalyq bólimshe, travmatologııalyq pýnkt, jedel medısınalyq járdem bólimshesi, áıelder konsýltasııasy, dárihana, stomatologııalyq bólimshe, kúndizgi stasıonar ornalasqan medısınalyq uıymdardyń dálizderinde ornatylady. 9. TQ stasıonarlyq kómek kórsetetin uıymdarda: 1) jalpy úı-jaıdyń aýmaǵynda; 2) patologoanatomııalyq bólimsheni, dárihanalardy, as daıyndaý qyzmetin, qyzmettik úı-jaılardy, klınıkalyq kafedralardyń úı-jaılaryn qosa alǵanda basqa qurylymdyq bólimshelerdiń dálizderinde ornatylady. 10. TQ perınataldyq ortalyqtarda, perzethanalarda, bosandyrý bólimshelerinde, júkti áıelderdi, bosanatyn jáne bosanǵan áıelderdi qabyldaý úı-jaılaryna, jańa týǵan nárestelerdiń patologııasy jáne týa bitken damý aqaýlary bar balalar úshin bólimshelerdiń úı-jaılarynda ornatylady. 11. TQ mamandandyrylǵan medısınalyq uıymdarda: 1) jalpy úı-jaıdyń aýmaǵynda; 2) medısınalyq uıymnyń qabyldaý bólimshesinde; 3) narkologııalyq uıymdarda alkogolden mas bolý saraptamasyn, psıhıatrııalyq uıymdarda ambýlatorııalyq jáne stasıonarlyq saraptama júrgizý úshin úı-jaılardy qosa alǵanda emdeý-dıagnostıkalyq bólimsheler ornalasqan úı-jaılardyń dálizderinde ornatylady. 12. Jeke gıgıena úı-jaılarynda, em-shara jáne manıpýlıasııalyq kabınetterde, operasııalyq bloktarda TQ ornatýǵa ruqsat etilmeıdi. Buıryq Qazaqstan Respýblıkasynyń Ádilet mınıstrliginde 2015 jylǵy 25 maýsymda Normatıvtik quqyqtyq kesimderdi memlekettik tirkeýdiń tizilimine №11439 bolyp engizildi.