Keńeske qala ákimi Ǵabıt Syzdyqbekov, Mádenıet jáne aqparat mınıstrliginiń ókilderi, jergilikti atqarýshy organdar, merdiger uıymdar jáne M. Áýezov atyndaǵy Ońtústik Qazaqstan zertteý ýnıversıteti basshylyǵy qatysty.
Jıyn barysynda jaýapty taraptar jobany iske asyrý barysy týraly esep berdi.
Merekede jumys isteıtin mádenıet qyzmetkerlerine qosymsha aqy tóleý talap etildi
Jospar boıynsha jańa joǵary oqý orny qazirgi M. Áýezov atyndaǵy Ońtústik Qazaqstan zertteý ýnıversıtetiniń Mádenıet jáne óner fakýlteti negizinde qurylmaq. Oqý ornynda 6 fakýltet, 17 kafedra jáne bakalavrıat, magıstratýra men doktorantýra boıynsha 46 bilim berý baǵdarlamasy iske qosylady.
Negizgi baǵyttar retinde kıno jáne teledıdar, anımasııa, medıa-menedjment, sıfrlyq dızaın, ssenografııa sııaqty salalarǵa basymdyq beriledi. Sonymen qatar Qazaqstanda alǵash ret sırk óneri boıynsha joǵary bilim berý júıesi engizilmek, sondaı-aq restavrator mamandaryn daıarlaý da josparlanǵan.
Keńeste Shymkentte jańa Opera jáne balet teatryn salý máselesi de qaraldy. Qala ákimdigi 2,8 gektar aýmaqta ornalasatyn jer telimin bekitken. Jańa teatr 1500 orynǵa arnalǵan kórermen zalymen salynady.
Qazirgi ýaqytta qalada 1984 jyly salynǵan, 330 oryndyq eski Opera jáne balet teatry jumys istep tur.
