Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy №399

  2015 jylǵy 27 mamyr , Astana qalasy Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik erejeni bekitý týraly Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-baby 32) tarmaqshasyna jáne 339-baby 2-tarmaǵyna sáıkes buıyramyn: 1. Qosa berilip otyrǵan Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrligi Eńbek jáne áleýmettik áriptestik departamenti zańnamada belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» Qazaqstan Respýblıkasy normatıvtik-quqyqtyq aktileriniń aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrylýyn qamtamasyz etsin; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrligi Zań qyzmeti departamentine osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetti usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri D.R. Arǵyndyqovqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 mamyrdaǵy №399 buıryǵymen bekitilgen Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje 1. Jalpy erejeler 1. Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje (budan ári – Úlgilik ereje) Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-babynyń 32) tarmaqshasyna jáne 339-babynyń 2-tarmaǵyna (budan ári – Kodeks) sáıkes ázirlendi jáne qyzmetkerleriniń sany elýden asatyn óndiristik qyzmetti júzege asyratyn uıymdardaǵy (budan ári – Uıym) eńbek qaýipsizdigi jáne eńbekti qorǵaý qyzmetiniń (budan ári – Qyzmet) jumysyn reglamentteıdi. 2. Qyzmet óz jumysynda memlekettik eńbek ınspeksııasymen, basqa da memlekettik qadaǵalaý jáne baqylaý organdarymen, Uıymnyń qurylymdyq bólimshelerimen jáne mamandarymen, qyzmetkerlerdiń ókilderimen, sondaı-aq Uıymnyń eńbekti qorǵaý jónindegi qoǵamdyq ınspektorlarymen ózara is-qımyl jasaıdy. 2. Qyzmettiń negizgi mindetteri 3. Qyzmettiń negizgi mindetteri: 1) eńbek qaýipsizdigi jáne eńbekti qorǵaý boıynsha uıymdastyrýshylyq-tehnıkalyq is-sharalar júrgizý; 2) Uıymnyń qurylymdyq bólimshelerinde eńbek qaýipsizdigi jáne eńbekti qorǵaý jónindegi jumysty uıymdastyrý jáne úılestirý, eńbek qaýipsizdigi jáne eńbekti qorǵaýda, qyzmetkerlerdiń eńbek qaýipsizdigi jáne eńbekti qorǵaý jónindegi normatıvtik quqyqtyq aktilerdiń talaptaryn oryndaýyn ishki baqylaýdy júzege asyrý bolyp tabylady. 3. Qyzmettiń quqyqtary men mindetteri 4. Kodekstiń 339-baby 4-tarmaǵyna sáıkes Qyzmet: 1) óndiristik, turmystyq jáne basqa da úı-jaılarǵa kedergisiz kiredi jáne tekserip qaraıdy; 2) Uıymnyń qurylymdyq bólimshelerinde qaýipsiz jáne salaýatty eńbek jaǵdaılaryn jasaý, óndiristik jaraqattaný jáne kásiptik aýrýlardyń aldyn alý jónindegi profılaktıkalyq is-sharalardyń ázirlenýin jáne oryndalýyn baqylaýdy júzege asyrady; 3) osy Úlgilik erejege qosymshaǵa sáıkes nysan boıynsha Uıymnyń qurylymdyq bólimsheleriniń qyzmetkerlerine anyqtalǵan eńbek qaýipsizdigi jáne eńbekti qorǵaý talaptaryn buzýshylyqtardy joıý jóninde sharalar qabyldaý týraly oryndalýy mindetti nusqaýlar beredi. 5. Kodekstiń 339-baby 5-tarmaǵyna sáıkes Qyzmet: 1) aı saıyn Uıymda óndiristik jaraqattaný men kásiptik aýrýlardyń jaı-kúıi men sebepterine taldaý júrgizedi jáne olardyń aldyn alý jóninde is-sharalardy ázirleıdi; 2) eńbek qaýipsizdigi jáne eńbekti qorǵaý máseleleri boıynsha Uıymnyń qyzmetkerlerin oqytýdy, olardyń bilimin tekserýdi uıymdastyrady; 3) Uıymda óndiristegi jazataıym oqıǵalardy tergep-tekserý tártibiniń saqtalýyn qamtamasyz etedi. 4. Qyzmetti uıymdastyrý 6. Kodekstiń 339-babyna sáıkes eńbek qaýipsizdigi jáne eńbekti qorǵaý qyzmeti Uıymnyń tikeleı birinshi basshysyna nemese olar ýákilettik bergen adamǵa baǵynady. Qyzmetti Uıymnyń birinshi basshysy taǵaıyndaıtyn onyń basshysy basqarady. 7. О́ndiristiń ereksheligin, qyzmetkerler sanyn, eńbek jaǵdaıyn, óndiris zııandylyǵyn jáne basqa da faktorlardy eskere otyryp, osy Úlgilik ereje negizinde jumys berýshi tıisti uıymnyń eńbek qaýipsizdigi jáne eńbekti qorǵaý erejesin ázirleıdi jáne bekitedi, Kodekske sáıkes onyń qurylymyn, sanyn, negizgi mindetterin, mamandardyń fýnksııalaryn jáne quqyǵyn aıqyndaıdy. 5. Qyzmettiń fýnksııalary 8. Qyzmettiń basshysy Uıymnyń basqa da bólimshelerimen birge óndiristegi jazataıym oqıǵalardy tergep-tekserý jónindegi komıssııa múshesi bolady jáne jazataıym oqıǵa týraly aktige qol qoıady. 9. Qyzmettiń negizgi mindetterine sáıkes mynadaı fýnksııalardy oryndaıdy: 1) Uıymnyń qurylymdyq bólimshelerinen qyzmettiń quzyryna jatatyn máseleler jónindegi aqparatty jáne materıaldardy belgilengen tártippen suratady jáne alady; 2) Uıymda eńbek qaýipsizdigi jaǵdaıynyń jaı-kúıin baqylaıdy, eńbekti qorǵaýdy basqarý júıesin ázirleýdi, engizýdi jáne onyń tıimdi jumys isteýin qamtamasyz etedi; 3) Uıym basshylyǵyna salaýatty jáne qaýipsiz eńbek jaǵdaılaryn jasaý boıynsha jumystyń uıymdastyrylýyn jaqsartý jóninde usynystar ázirleıdi jáne engizedi; 4) eńbek qaýipsizdigi jáne eńbekti qorǵaý máseleleri boıynsha oqytý baǵdarlamalaryn jáne qyzmetkerlerdiń oqytýǵa qatysýyn kelisedi; 5) eńbek qaýipsizdigi men eńbekti qorǵaý máselelerin talqylaý kezinde uıymdyq shart jasasý jónindegi kelissózderge qatysady; 6) qabyldaý komıssııasynyń óndiristik maqsattaǵy salynǵan obektini paıdalanýǵa qabyldap alý jónindegi jumysyna qatysady; 7) eńbek qaýipsizdigi men eńbekti qorǵaý jónindegi normatıvtik-tehnıkalyq qujattarymen qamtamasyz etý, eńbek qaýipsizdigi men eńbekti qorǵaý kabınetterin qajetti oqý quraldarymen, makettermen, anyqtamalyq ádebıetpen, plakattarmen, tehnıkalyq quraldarmen jabdyqtaý jóninde sharalar qabyldaıdy; 8) kásiporyn basshysynyń tapsyrmasy boıynsha qyzmettiń quzyryna jatatyn máseleler jónindegi qyzmetkerlerdiń hattaryn, ótinishterin jáne shaǵymdaryn qaraıdy; 9) óndiriste kásiptik aýrýlar men jazataıym oqıǵalardyń aldyn-alý jónindegi is-sharalardy, sondaı-aq múgedekterge arnalǵan ońaltý is-sharalaryn ázirleýge qatysady; 10) qurylymdardyń eńbek qaýipsizdigi men eńbekti qorǵaý jónindegi jumysyna ádistemelik kómek kórsetedi; 11) mynalardyń: memlekettik eńbek ınspeksııasynyń jáne ózge de memlekettik qadaǵalaý jáne baqylaý organdarynyń eńbek qaýipsizdigi men eńbekti qorǵaý bóligindegi sheshimderiniń oryndalýyn; eńbek qaýipsizdigi men eńbekti qorǵaý jónindegi qaǵıdalardyń, normalardyń, standarttardyń engizilýin; eńbek qaýipsizdigi men eńbekti qorǵaý máseleleri jónindegi Uıymnyń buıryqtary men ókimderiniń oryndalýyn; eńbek qaýipsizdigi men eńbekti qorǵaý kabınetteri jumysynyń uıymdastyrylýyn jáne jumystyń ozyq tájirıbesiniń engizilýin; arnaıy kıim, arnaıy aıaq kıim jáne basqa da jeke qorǵaný quraldaryn satyp alýdyń, saqtaýdyń, jýýdyń, hımııalyq tazalaýdyń, keptirýdiń, shańnan aryltýdyń, zııansyzdandyrý men jóndeýdiń uıymdastyrylýyn jáne qyzmetkerlerdiń ujymdyq qorǵaný quraldarymen qamtamasyz etilýin; tıisti qyzmetterdiń qural-jabdyqtardy, mashınalar men mehanızmderdi qajetti synaqtardan jáne tehnıkalyq kýálandyrýlardan ýaqtyly ótkizilýin, qaýipti jáne zııandy óndiristik faktorlardyń parametrlerin ólsheý kesteleriniń saqtalýyn; eńbek qaýipsizdigi men eńbekti qorǵaý jónindegi qoldanystaǵy normalardyń, qaǵıdalar men nusqaýlyqtardyń, óndiris prosesinde, sondaı-aq jańa rekonstrýksııalanǵan óndiristik obektilerdiń jobalarynda eńbek qaýipsizdiginiń saqtalýyn ishki baqylaýdy júzege asyrady; 12) jumys berýshiniń kelisimi boıynsha (ne onyń ruqsaty boıynsha) memlekettik eńbek ınspeksııasyna aqparatty, málimetterdi, bekitilgen esepter nemese ózge de qujattardy qaǵaz jáne elektrondy jetkizgishterde ne olardyń mindetterine sáıkes kóshirmelerin usynady; 13) Uıymnyń bólimshelerine eńbek jaǵdaılary zııandy jáne aýyr jumystarda isteıtin qyzmetkerlerdi kezekti medısınalyq tekserip-qaraýdy jáne tekserýge jatatyn adamdardyń aty-jóni boıynsha tizimin qurastyrýda ádistemelik kómek kórsetedi; 14) Kodekstiń 320-1- babyna sáıkes basqa qyzmettermen birlesip, eńbek jaǵdaılary boıynsha óndiristik obektilerdi attestattaýdan ótkizýdi uıymdastyrady. Uıymdaǵy eńbek qaýipsizdigi men eńbekti qorǵaý qyzmeti týraly úlgilik erejege qosymsha Nysan Kimge ___________________________________ (tegi, aty, ákesiniń aty (bar bolsa), laýazymy) _______________________________________ (bólimsheniń ataýy) Eńbek qaýipsizdigi men eńbekti qorǵaý boıynsha anyqtalǵan buzýshylyqtardy joıý jóninde sharalar qabyldaý týraly NUSQAÝLAR 20 ____jylǵy «___» ________ № _____ Qazaqstan Respýblıkasy Eńbek kodeksiniń 339-baby 4-tarmaǵynyń 3) tarmaqshasyna sáıkes eńbek qaýipsizdigi men eńbekti qorǵaý talaptarynyń mynadaı buzýshylyqtaryn joıýdy talap etemin: R/s № Anyqtalǵan buzýshylyqtar men olardy joıý jónindegi talaptar Oryndaý merzimi Eskertpeler 1 2 3 4 Nusqaýlardy oryndaý týraly jazbasha habardy onda kórsetilgen merzimderde Eńbek qaýipsizdigi men eńbekti qorǵaý qyzmetine usynsyn. Eńbek qaýipsizdigi jáne eńbekti qorǵaýqyzmetiniń basshysy (ınjener): ____________ ____________________________ (qoly) (tegi, aty, ákesiniń aty (bar bolsa) Nusqaýdy aldym: ____________ _____________________________ (qoly) (tegi, aty, ákesiniń aty (bar bolsa) Buıryq Qazaqstan Respýblıkasynyń Ádilet mınıstrliginde 2015 jylǵy 26 maýsymdaǵy Normatıvtik quqyqtyq kesimderdi memlekettik tirkeýdiń tizilimine №11443 bolyp engizildi.