Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №402 

  2015 jylǵy 28 mamyr, Astana qalasy «Densaýlyq saqtaý uıymdarynyń dárilik formýlıarlaryn ázirleý jáne kelisý erejesin bekitý týraly» Qazaqstan Respýblıkasynyń Densaýlyq saqtaý Mınıstriniń 2009 jylǵy 23 qarashadaǵy № 762 buıryǵyna ózgeris engizý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-baby, 1-tarmaǵynyń 70) tarmaqshasyna sáıkes buıyramyn: 1. «Densaýlyq saqtaý uıymdarynyń dárilik formýlıarlaryn ázirleý jáne kelisý qaǵıdalaryn bekitý týraly» Qazaqstan Respýblıkasynyń densaýlyq saqtaý Mınıstriniń 2009 jylǵy 23 qarashadaǵy № 762 buıryǵyna (Qazaqstan Respýblıkasy normatıvtik quqyqtyq aktilerdi memlekettik tirkeý tiziliminde № 5900 bolyp tirkelgen, Ortalyq atqarýshy jáne Qazaqstan Respýblıkasynyń ózge ortalyq memlekettik organdarynyń aktiler jınaǵynda, 2010 jylǵy №2 jarııalanǵan) mynadaı ózgeris engizilsin: osy buıryqpen bekitilgen Densaýlyq saqtaý uıymdarynyń dárilik formýlıarlaryn ázirleý jáne kelisý qaǵıdalary osy buıryqqa qosymshaǵa sáıkes jańa redaksııada jazylsyn. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıteti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 mamyrdaǵy №402 buıryǵyna qosymsha Qazaqstan Respýblıkasy Densaýlyq saqtaý mınıstriniń 2009 jylǵy 23 qarashadaǵy №762 buıryǵymen bekitilgen Densaýlyq saqtaý uıymdarynyń dárilik formýlıarlaryn ázirleý jáne kelisý qaǵıdalary 1. Jalpy erejeler 1. Osy Densaýlyq saqtaý uıymdarynyń dárilik formýlıarlaryn ázirleý jáne kelisý qaǵıdalary (budan ári – Qaǵıdalar) densaýlyq saqtaý uıymdarynyń dárilik formýlıarlaryn ázirleý, bekitý jáne olardy kelisýdiń biryńǵaı tártibin aıqyndaý maqsatynda ázirlendi. 2. Densaýlyq saqtaý uıymdarynyń dárilik formýlıarlary dárilik zattarǵa densaýlyq saqtaý uıymdarynyń bıýdjetin josparlaý úshin negiz bolyp tabylady jáne jarty jylda bir retten kem emes merzimdik qaıta qaraýǵa jáne jańartýǵa jatady. 3. Osy Qaıǵdalarda paıdalanylatyn negizgi uǵymdar: 1) dárilik formýlıar – ýákiletti organ aıqyndaıtyn densaýlyq saqtaý uıymynyń basshysy bekitetin densaýlyq saqtaý uıymynyń beıini eskerilgen tegin medısınalyq kómektiń kepildik berilgen kólemin kórsetý úshin qalyptastyrylǵan jetkilikti mólsherdegi bar bolýy mindetti dárilik zattardyń tizbesi; 2) Qazaqstandyq ulttyq dárilik formýlıar – shekti baǵalary kórsetile otyryp, tegin medısınalyq kómektiń kepildik berilgen kólemin kórsetý úshin qalyptastyrylǵan jáne densaýlyq saqtaý uıymdarynda dárilik formýlıarlardy ázirleý men bekitý úshin mindetti negiz bolyp tabylatyn, klınıkalyq tıimdiligi men qaýipsizdigi dáleldengen dárilik zattardyń tizbesi; 3) formýlıarlyq komıssııa – negizgi maqsaty formýlıarlyq júıeni engizý jáne qoldaý kórsetý jáne ýákiletti organ qabyldaǵan normalar men standarttardyń negizinde tıisti medısınalyq uıymda (óńirde) dárilik zattardy utymdy paıdalaný bolyp tabylatyn konsýltasııalyq-keńesshi organ; 2. Dárilik formýlıarlardy ázirleý jáne kelisý tártibi 4. Densaýlyq saqtaý uıymdarynyń janynan, sonyń ishinde medısınalyq kómek kórsetetin jáne ýákiletti organnyń qaramaǵyndaǵy jáne oblystardyń, Astana jáne Almaty qalalarynyń densaýlyq saqtaý basqarmalarynyń janynan densaýlyq saqtaý salasynda tıisti bilimi, sondaı-aq daýys berý quqyǵymen klınıkalyq farmakologııa jáne dáleldi medısınada biliktiligi bar keminde jeti mamannan turatyn Formýlıarlyq komıssııa qalyptastyrylady, olar Formýlıarlyq komıssııanyń tóraǵasy bekitken jumys josparyna sáıkes jumys isteıdi. 5. Formýlıarlyq komıssııanyń músheleri «Qazaqstan Respýblıkasy Densaýlyq saqtaý mınıstrliginiń Formýlıarlyq komıssııasy týraly erejeni bekitý týraly» Qazaqstan Respýblıkasy Densaýlyq saqtaý mınıstriniń m.a. 2013 jylǵy 12 jeltoqsandaǵy № 723 buıryǵymen anyqtalǵan 1 - qosymshaǵa sáıkes (budan ári-Ereje) (normatıvtik quqyqtyq aktilerdi memlekettik tirkeý tiziliminde № 9090 bolyp tirkelgen) Formýlıarlyq komıssııa músheleriniń (shaqyrylǵan músheniń) múddelerdiń áleýetti qaqtyǵysyn ashý jónindegi deklarasııany toltyrady. 6. Formýlıarlyq komıssııa músheleriniń belgili bir kompanııaǵa qatysty múddelerdiń áleýetti qaqtyǵysy bar bolǵan kezde ol bul kompanııaǵa qatysty máselelerdi qaraý kezinde qaraý, talqylaý jáne daýys berýge qatysý prosesinen shettetiledi. 7. Dárilik formýlıar jáne jıyntyq dárilik formýlıar dárilik zattardy irikteýdiń mynadaı krıterıılerdi eskere otyryp Formýlıarlyq komıssııamen ázirlenedi: 1) Respýblıkalyq dárilik formýlıarda ol ázirlengenge deıin Qazaqstandyq ulttyq formýlıarda bar bolýy; 2) syrqattanýshylyq boıynsha derekterdi, sondaı-aq Qazaqstan Respýblıkasynyń aýmaǵynda (Qazaqstandyq ulttyq dárilik formýlıar ázirlengenge deıin) paıdalanylatyn densaýlyq saqtaý salasyndaǵy qolda bar avtomattandyrylǵan aqparattyq resýrstardan naýqastardyń tirkelimin esepke ala otyryp usynylyp otyrǵan dárilik zattardy paıdalanýda negizdelgen qajettiliktiń bar bolýy; 3) usynylyp otyrǵan dárilik zatqa (Qazaqstandyq ulttyq dárilik formýlıar ázirlengenge deıin) dáleldengen klınıkalyq tıimdilik pen qaýipsizdik; 4) dárilik formýlıardaǵy qolda bar analogpen salystyrǵanda basymdylyǵy bolǵan kezde dárilik zatty tańdaý. Aýrýlardyń sozylmaly túri bar pasıentterdi emdeýge arnalǵan preparattardy aýystyrý medısınalyq kórsetilimder boıynsha (Qazaqstandyq ulttyq dárilik formýlıar ázirlengenge deıin) júzege asyrylady. . 8. Dárilik formýlıardy oblystardyń, Astana jáne Almaty qalalarynyń densaýlyq saqtaý basqarmalarymen kelisim boıynsha medısınalyq uıymnyń birinshi basshysy bekitedi. 9. О́ńirdiń jıyntyq dárilik formýlıaryn óńirdiń medısınalyq densaýlyq saqtaý uıymdarynyń dárilik formýlıarynyń negizinde tıisti óńirge tegin medısınalyq kómektiń kepildik berilgen kómegin kórsetý úshin oblys­tardyń, Astana jáne Almaty qalalarynyń densaýlyq saqtaý basqarmalarynyń Formýlıarlyq komıssııasy ázirleıdi. 10. Ýákiletti orǵannyń qaramaǵyndaǵy jáne medısınalyq kómek kórsetetin densaýlyq saqtaý uıymynyń dárilik formýlıaryn birinshi basshy jáne ýákiletti organnyń kelisimi boıynsha bekitedi. Dárilik formýlıar ýákiletti organǵa kelesi qarjy jylynyń aldyńǵy jylǵy 25 jeltoqsannan keshiktirilmeı eki danada qaǵaz jáne elektrondyq jetkizgishterde usynylady. 11. Dárilik formýlıarlarǵa jáne jıyntyq dárilik formýlıarlarǵa dárilik preparatty qosý, alyp tastaý, aýystyrý (Qazaqstandyq ulttyq dárilik formýlıar ázirlengenge deıin) Erejedegi 2-qosymshaǵa sáıkes nysan boıynsha usynylǵan Dárilik formýlıarlarǵa nemese óńirdiń jıyntyq dárilik formýlıarlaryna ózgerister men tolyqtyrýlardy qosý (alyp tastaý) negizdemege sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 26 maýsymdaǵy Normatıvtik quqyqtyq kesimderdi memlekettik tirkeýdiń tizilimine № 11463 bolyp engizildi.