Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №939

  2015 jylǵy 7 jeltoqsan, Astana qalasy Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń (ónim berýshiler) tizbesin qalyptastyrý qaǵıdalaryn bekitý týraly Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesiniń 35-tarmaǵyna sáıkes buıyramyn: 1. Qosa berilip otyrǵan Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń (ónim berýshiler) tizbesin qalyptastyrý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıteti zańnamada belgilengen tártipte: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kúnniń ishinde merzimdik baspasóz basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetti usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq alǵashqy resmı jarııalanǵan kúninen keıin qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 7 jeltoqsandaǵy №939 buıryǵymen bekitilgen Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń (ónim berýshiler) tizbesin qalyptastyrý qaǵıdalary 1. Jalpy erejeler 1. Osy Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshiler (ónim berýshiler) tizbesin qalyptastyrý qaǵıdalary Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesiniń 35-tarmaǵyna sáıkes ázirlengen jáne dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń (ónim berýshiler) tizbesin (budan ári – Tizbe) qalyptastyrý tártibi men merzimin aıqyndaıdy. 2. Josyqsyz áleýetti ónim berýshilerdiń (ónim berýshiler) tizbesin qalyptastyrý tártibi 2. Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń tizbesin satyp alýdy uıymdastyrýshy nemese biryńǵaı dıstrıbıýtor osy Qaǵıdalarǵa qosymshaǵa sáıkes elektrondyq nysanda memlekettik jáne orys tilderinde qalyptastyrady jáne: 1) Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesiniń 3-taraýyna sáıkes biliktilik talaptary boıynsha durys emes aqparat bergen; 2) satyp alýdyń jeńimpazdary dep tanylǵan jaǵdaıda shart jasasýdan jaltarǵan; 3) olarmen jasalǵan jetkizý sharty nemese dárilik zattardy jáne (nemese) medısınalyq maqsattaǵy buıymdardy satyp alý týraly shart boıynsha óz mindettemelerin oryndamaǵan nemese tıisinshe oryndamaǵan ónim berýshiler týraly málimetti qamtıdy (ónim berýshiler) (budan ári – ónim berýshi):. 3. Tizbe zańdy kúshine engen sot sheshimderi negizinde qalyptastyrylady. 4. Satyp alýdy uıymdastyrýshy nemes biryńǵaı dıstrıbıýtor josyqsyz ónim berýshi dep taný týraly kúshine engen sot sheshimin alǵan kúnnen bastap úsh jumys kúniniń ishinde ony Tizbege qosady jáne ınternet-resýrsqa ornalastyrý úshin densaýlyq saqtaý salasyndaǵy ýákiletti organǵa jiberedi. 5. Densaýlyq saqtaý salasyndaǵy ýákiletti organ Tizbeni alǵan kúnnen bastap bir jumys kúniniń ishinde ýákiletti organnyń ınternet-resýrsyna ornalastyrady. 6. О́nim berýshi, ony josyqsyz áleýetti ónim berýshi dep taný týraly sot sheshimi zańdy kúshine engen kúnnen bastap 24 (jıyrma tórt) aı merzimge Tizbege qosylady. 7. Satyp alýdy uıymdastyrýshy nemese biryńǵaı dıstrıbıýtor osy Qaǵıdalardyń 7-tarmaǵynda belgilengen merzim ótkennen keıin ónim berýshini Tizbeden shyǵarady. 8. Josyqsyz ónim berýshi dep taný týraly sheshimniń kúshin joıý týraly kúshine engen sot aktisi bolǵan jaǵdaıda, josyqsyz ónim berýshi týraly málimetteri bar Tizbedegi jazbany satyp alýdy uıymdastyrýshy nemese biryńǵaı dıstrıbıýtor tıisti sot aktisin alǵan kúnnen bastap bir jumys kúniniń ishinde alyp tastaıdy. 9. Tizbe ózgergen kezde satyp alýdy uıymdastyrýshy nemese biryńǵaı dıstrıbıýtor 3 jumys kúniniń ishinde jańartylǵan Tizbeni densaýlyq saqtaý salasyndaǵy ýákiletti organǵa jiberedi. 10. Ýákiletti organ jańartylǵan Tizbeni alǵan kúnnen bastap bir jumys kúniniń ishinde ony ýákiletti organnyń ınternet-resýrsyna ornalastyrady. Josyqsyz áleýetti ónim berýshileriniń (ónim berýshiler) tizbesin qalyptastyrý qaǵıdalaryna qosymsha Dárilik zattardyń, medısınalyq maqsattaǵy buıymdar men medısınalyq tehnıkanyń josyqsyz áleýetti ónim berýshileriniń (ónim berýshiler) tizbesi № Josyqsyz áleýetti ónim berýshi (ónim berýshi) týraly aqparat О́tkizilgen satyp alýlar týraly málimetter Áleýetti ónim berý­shi­ni (ónim berýshini) jo­­syq­syz áleýetti ónim berý­shiler (ónim berý­shiler) tizbesine qosý negiz­demesi, sot sheshiminiń kúshine engen kúni Áleýetti ónim berýshi­niń (ónim berýshi­niń) ataýy Áleýetti ónim berýshiniń (ónim berý­shi­niń) orna­las­qan jeri BSN/ JSN satyp alý tásili satyp alý nátı­jelerin shyǵarý kúni satyp alý ótkizilgen medısınalyq tehnıkanyń, dárilik zattyń jáne /nemese medısınalyq maqsattaǵy buıymnyń ataýy Buıryq Qazaqstan Respýblıkasynyń Ádilet mınıstrliginde 2016 jylǵy 6 qańtardaǵy Normatıvtik quqyqtyq kesimderdi memlekettik tirkeýdiń tizilimine №12817 bolyp engizildi.