Basty taqyryp – Ult Jospary

Ońtústik Qazaqstan obly­synda jumys saparymen júr­gen Qazaqstan Res­pýb­lıkasy Parlamenti Senaty­nyń depýtaty Qýanysh Aıta­hanov Ordabasy, Otyrar, Báıdi­bek, Sozaq aýdandarynda jáne Kentaý men Túrkistan qala­laryn­da boldy. Sapar barysynda depýtat oblysta ekonomıka, áleýmettik jáne mádenı salalarda atqarylyp jatqan jumystardyń jaı-kúıimen tanysyp, jergilikti turǵyndarmen, eńbek ardagerlerimen, máslıhat depýtattarymen, kásipkerlermen, partııalardyń, qoǵamdyq birles­tik­terdiń ókilderimen jáne jas­tarmen kezdesti. Senator azamattardy Memle­ket basshysynyń bes ınstıtýt­tyq reformasyn iske asyrý sheń­berinde elimizde júrgizilip jat­qan jańǵyrtýlar jóninde, eko­nomıkany, áleýmettik salany damytýdyń negizgi baǵyttary, til saıasaty týraly habardar etti. Jer reformasy jónindegi res­­pýb­­lıkalyq komıssııanyń múshesi Q.Aıtahanov kópshilikke Komıssııanyń jumysy jaıly jáne Jer kodeksi ózgeristeriniń maz­muny týraly aıtyp berdi. Sondaı-aq, ol halyqty tolǵandyryp otyr­ǵan suraqtarǵa jaýap berdi. Jaqynda Parlament Májilisiniń depýtattary Baqytjan Ertaev pen Baqytbek Smaǵulov Shekara qyzmetiniń Úsharal jáne Kúrshim jasaqtaryna saparmen keldi. Halyq qalaýlylary shekarashylardyń áskerı-jaýyngerlik qyzmetimen, olardyń turmystyq jaǵdaılarymen tanysty. Baqytjan Ertaev «О́ril» jáne R.Batyrhanov atyndaǵy zastavalardy baryp kórse, Baqytbek Smaǵulov «Sarybókter» zas­tava­­synyń shekarashylarymen kezdesti. Sapar barysynda depýt­tar memlekettik shekarany kúzetýde qoldanylatyn tehnı­ka­lyq quraldardy, ınfraqury­lym­dar­dy kórýmen qatar, shekara boıynda ornalasqan eldi meken­derdiń turǵyndarymen de júz­desti. Kezdesý kezinde depýtat­tar memleket tarapynan qaýipsizdikti qamtamasyz etý jolyn­daǵy atqarylyp jatqan jumys­tarǵa toqtaldy. Bul salada shekara­shy­lar­dyń alatyn orny da sóz boldy. Sapar sońynda depýtattar ulan-baıtaq jerimizdiń bir ból­shegin kúndiz-túni kúzetip júr­gen shekarashy sarbazdarǵa táýel­sizdik uǵymynyń mán-maǵyna­syn túsindirip, asa jaýapty qyz­­met­­terine tabys tiledi. Al aqyn­dy­ǵymen belgili Baqytbek Smaǵulov memlekettik shekara saqshy­laryna óziniń kitaptaryn syılady. Májilis depýtaty, «Nur Otan» partııasynyń parlamenttegi fraksııasynyń múshesi Saparhan Omarov Soltústik Qazaqstan oblysynda partııanyń óńirlik fılıalynyń qoǵamdyq qabyldaýynda azamattardy qabyldady, Petropavl qalasyndaǵy «Iýdı-Dent» tis emhanasynyń jumysymen jáne Qyzyljar aýdanyndaǵy «Levın V.D.» atyndaǵy jeke kásipkerdiń óndirisimen tanysty. Qabyldaýǵa kelgen soltústik­qazaq­standyqtar Stepnogor ken baıytý kombınatynyń qal­dyqtardy kádege jaratý jónindegi jeliniń paıdalanýǵa berilýin uıymdastyrý, oblys aýmaǵynda qatty nyǵyzdalǵan kirpish óndirý úshin ǵımarat bólý máselelerin, zeınetaqynyń durys eseptel­meýi sııaqty máselelerdi kóterdi. S.Omarov qoıylǵan suraqtardy baqy­laýǵa alatyndyǵyn jáne olar boıynsha tıisti depýtattyq saýaldar joldaıtyndyǵyn aıtty. Májilis depýtaty sol kúni jyl basynan beri jumys istep kele jatqan «Iýdı-Dent» tis emhanasynyń jumysymen tanysty. Bul «Bıznestiń jol kartasy-2020» memlekettik baǵ­dar­lamasy boıynsha ashylǵan ekin­shi tis emhanasy bolyp otyr. Onda depýtat klınıkanyń pasıent­terimen áńgimelesti. Áńgi­me barysynda bul jerdegi baǵanyń soltústikqazaqstandyqtar úshin yńǵaıly ekendigin atap ótti. Májilis depýtaty jeke kásip­kerlerdiń jumysymen de tanysý úshin Qyzyljar aýdanyndaǵy jıhaz shyǵaratyn «Levın V.D.» JShS dúkenine bas suqty. Kom­panııanyń sehtarynda 70-ten astam jıhaz túrleri shyǵarylady, onyń ónimderi Astana, Almaty jáne Qazaqstan men Reseıdiń keı­bir óńirleri turǵyndarynyń sura­nystaryna ıe bolýda. Májilis depýtaty Maıra Aısına Aqmola oblysyndaǵy jumys sapary sheńberinde Aqmol aýylynyń jumyssyz jáne ózin ózi jumyspen qamtyǵan áıelderine arnalǵan trenıngke qatysty. Kezdesýge kelgen aýyldyń qyz-kelinshekterine «jasyl tehnologııalardy» paıdalana otyryp, óz isin qalaı ashýǵa bolatyny týraly aıtyldy. Depýtattyń aıtýynsha, EKSPO-2017 qarsańynda jobaǵa qatysýshylar – «Nur Otan» partııasynyń áıelderdi qoldaý jónindegi saraptama toby «Jasyl» ekonomıkany» qoldaý jáne G-Global-dy damytý» koalısııasymen birlese otyryp, Astananyń mańaıynda ózindik ereksheligi bar «qarsylap alý beldeýin» qurý­ǵa, ıaǵnı halyqaralyq kórme­ge keletin barsha jurtqa qolaıly jaǵdaı jasaýǵa tyrysýda. Qyz-kelinshekterdi oqytyp-úıretýdiń negizgi baǵyttary – qonaq qabyl­daıtyn úıler, ekologııalyq taza jemis-kókónis ónimderi, kádesyı buıymdary. M.Aısına «jasyl tehnologııa­lardy» paıdalaný áıelderge óz isterin odan ári damytýǵa múm­kindik bererine senimdi. «Bolashaq – «jasyl tehnologııalarda», «jasyl ekonomıkada». Bular – res­ýrs únemdeıtin, sý únemdeıtin, jaryq únemdeıtin tehnologııalar. Biz, birinshiden, ekonomıkany úırenýimiz kerek, ekinshiden, osy «jasyl tehnologııalar» baǵytynda damýǵa tıispiz. Biz aýyl áıelderin ǵana oqytyp-úırete bastadyq. О́ıtkeni, aýyl mádenıetin osylaısha kóterýge bolady dep oılaımyz. Búgingi tańda qalada jasalyp jatqan nárselerdiń barlyǵyn esh qıyndyqsyz, ıaǵnı qaladaǵydaı jaǵdaılarmen aýylda da jasaýǵa bolady», – dep atap ótti Májilis depýtaty. 2014 jyldan beri joba aıasynda shamamen 5 myńdaı qyz-kelinshek bıznes-saýattylyq ne­gizderine oqytýdan ótti. Tre­nıng­ter Almaty, Aqmola jáne Qara­ǵan­dy oblystarynda júıeli túrde ótkizilip jatyr. О́tken jy­ly Aqmola oblysy Arshaly aý­dany­nyń Arnasaı aýylynda «Jasyl tehnologııalardyń» halyq aka­demııasy» bilim berý ortalyǵy ashyl­dy. Ol jerde oqyp-úırenýge nıet bildirýshilerdiń barlyǵy «ja­syl tehnologııalardy» paıdalaný boıynsha oqýdan óte alady, so­dan keıin olardy qoldanýdy bıo­ve­getarııden tikeleı kóre alady. Májilis depýtaty Marat Bopazov Almaty oblysyna jasaǵan saparynda Mataı aýylynyń turǵyndarymen kezdesti, zeınetkerlermen áńgimelesti, Aqsý aýdanynyń áleýmettik nysandaryn aralady. Kezdesýdiń basty taqyryby «100 naqty qadam» Ult Jospary, halyq qalaýlylarynyń zań shyǵarýshylyq qyzmeti boldy. Májilis depýtaty, sondaı-aq, aýyl turǵyndarynyń ótinish­terin, atap aıtqanda, jergilikti máde­nıet úıine jóndeý jumystaryn júrgizý týraly máseleni nazarǵa aldy.