Atalǵan joba Qazaqstandaǵy jemis-kókónis ónimderin óńdeý salasyna aıtarlyqtaı tyń serpin beredi. Aýyl sharýashylyǵy mınıstrliginiń málimetinshe, elde jyl saıyn 3,5 mıllıon tonna ónim óndirilgenimen, onyń tek 5 paıyzy ǵana ónerkásiptik óńdeýden ótedi. Al saqtaý kezindegi shyǵyndar 30 paıyzdan asady. Nátıjesinde konservilengen ónimder naryǵyndaǵy ımporttyń úlesi 80-85 paıyzǵa deıin jetip otyr.
Jobanyń ǵylymı jańalyǵy – qyzylsha, sábiz jáne alma shyryndary negizinde pektın qosylǵan ońtaıly kýpajdalǵan reseptýralardy jasaý. Tehnologııa jergilikti shıkizatty tereń óńdeýge baǵyttalyp, onyń bıologııalyq qundylyǵyn – antıoksıdanttar, dárýmender men taǵamdyq talshyqtardy barynsha saqtaýdy qamtamasyz etedi.
Shirigen kókónister satylǵan: Vıse-mınıstr aqtóbelikterdiń shaǵymyna jaýap berdi
Búginde zertteý baǵytyndaǵy ǵylymı nátıjeler halyqaralyq basylymdarda jarııalanyp, ónim óndirý tehnologııasy men pektın alý ádisine patent alynǵan.
Mamandardyń pikirinshe, atalǵan tehnologııany agroónerkásiptik keshen kásiporyndarynda, ásirese elimizdiń ońtústik óńirlerinde engizý ımportqa táýeldilikti edáýir tómendetip, durys tamaqtaný ónimderi naryǵyndaǵy suranysqa ıe jańa segmentti damytýǵa múmkindik beredi.
Nurbolat AMANBEK
