Foto: Astana qalasy ákimdigi
Astana qalasy taǵy da jahandyq kıbersport ortalyqtarynyń birine aınalýǵa múmkindik alyp otyr. Týrnır 15–17 mamyr aralyǵynda Barys Arena alańynda ótedi. Jarysqa álemdik deńgeıdegi 16 komanda qatysady.
Aıta keteıik, 2025 jylǵy týrnır joǵary deńgeıde uıymdastyrylyp, onlaın qaralym kórsetkishi rekordtyq deńgeıge jetken edi. Halyqaralyq aýdıtorııa tarapynan úlken qyzyǵýshylyq tanytylyp, Astananyń kıbersport kartasyndaǵy orny nyǵaıa tústi. Al 2026 jylǵy týrnır – osy jetistiktiń zańdy jalǵasy.
Astana qalasy ákimdiginiń málimetinshe, jarysty uıymdastyrýshy – PGL Esports SRL. Kompanııa álemdegi iri kıbersport týrnırlerin ótkizetin jetekshi operatorlardyń biri sanalady.
Bıylǵy dodanyń ereksheligi – júlde qorynyń artýy. 2026 jyly jalpy júlde qory 1,6 mln dollarǵa deıin ulǵaıtyldy. Bul kórsetkish týrnırdi Counter-Strike 2 boıynsha ótetin iri jarystardyń, sonyń ishinde meıdjor deńgeıindegi dodalardan da joǵary syıaqysy bar týrnırler qataryna qosady.
Osylaısha, PGL Astana 2026 Qazaqstannyń kıbersport ındýstrııasyndaǵy bedelin arttyryp, elordany halyqaralyq deńgeıdegi mańyzdy alańdardyń birine aınaldyrýǵa yqpal etpek.
Patrıotızm, kıbersport, tehnologııa: Onlaın marafonda qoǵam úshin ózekti taqyryptar talqylandy
