Jańa baǵdarlama

Elbasynyń bıylǵy Jolda­ýyn­da jedeldetilgen ekonomıkalyq jań­ǵyrtý – Údemeli ınnovasııalyq-ındýs­trııalyq baǵdarlamasy jal­ǵasa­tyny atap kórsetildi. Jetisý jerinde táýelsizdigimizdiń 20 jyl­dyǵyna baı­la­nysty órbigen irgeli ister jetkilikti desek, onyń ómirge ákelgen oń óz­geristeri de birden baıqalady. Eń bas­tysy jumys­syzdyq máselesi sheshimin tabýda. Jańa kásiporyndar erekshe yr­ǵaq­pen jumys istep keledi. «Damý» kásipkerlikti damytý qo­ry» aksıonerlik qoǵamy «Damý – aı­maqtar II» baǵdarlamasyn ótken jyl­dyń qyrkúıek aıynan bastap, buǵan deıin ózge óńirlerdegi joba­lardy qar­jylandyrýdy qolǵa al­ǵan eken. Nátı­jesinde úılestirý keńes­teri arqyly jalpy quny bir mıllıard teńgeden asatyn on tórt joba bekitilip, ómirge joldama alǵan. Jańa baǵdarlama aıasynda sha­ǵyn jáne orta kásipkerlikti damy­týdy kózdegen baǵdarlama aımaq­tyq jobaǵa 11 mlrd. teńge bólýdi josparlap otyr. Osyǵan oraı «Damý – aımaqtar II» baǵdarlamasymen óńirge 500 mln. teń­geden ornalas­ty­rý kózdelse,  Astana, Almaty, Qaraǵandy qalalaryn qar­jy­­lan­dyrý kólemi 0,5 mıllıardtan 1,5 mıllıardqa deıin ósirilmekshi. «Damý» qorynyń negizgi baǵyty óńir­lerdegi shaǵyn jáne orta kásip­kerlikke qarjylyq kómek pen birge, qarjylyq emes qoldaýdyń tıimdi túrlerin usyný bolyp tabylady. Oǵan osymen qosa seriktes bank­ter­diń jáne bıýdjetten qarastyry­latyn ákimdik qarajaty da enýi múmkin. «Damý – aımaqtar II» baǵdar­la­masy «Bıznestiń jol kartasy – 2020» baǵdarlamasyndaǵy birinshi baǵyt bo­ıyn­sha birlese júrgiziledi. Demek, ja­ńa baǵdarlamanyń ja­ńaly­ǵy shaǵyn jáne orta kásip­kerlikpen aınalysa­tyn­dar úshin tıim­di ekeni daýsyz. Jeti­sýlyqtar da jańalyqty qýana qarsy aldy. Kúmisjan BAIJAN, Almaty oblysy.