Izdegenge – suraǵan

Ońtústik Qazaqstan oblysynyń Qazyǵurt aýdandyq máslıhatynyń bir top depýtaty senator Álı Bektaevqa hat joldap, aýdan ortalyǵyndaǵy «Shyǵys» shaǵyn aýdanyndaǵy 250 ga jerge ınjenerlik-kommýnıkasııalyq qurylys jumysyn júrgizý úshin 2,4 mlrd teńgeni respýblıkalyq bıýdjette qarastyrýǵa yqpal etińiz degen ótinish aıtqan edi. Búgingi kúni Qazyǵurt eldi mekeniniń ózinde ǵana 10 myńǵa jýyq azamat tur­ǵyn úı salý úshin jer alý­ keze­ginde tur eken. Eger atal­ǵan jerge ınjenerlik-kom­­mý­nı­kasııa­lyq jeliler tartylsa, 6 myń­daı tur­ǵynnyń jer alý ótinishi qana­­ǵattandyrylmaq­shy. Onyń 2,4 mlrd teńgeni quraıtyn jo­ba­­lyq-smetalyq qujattary ázir­­lenip, 2015 jyldyń 9 qań­­taryn­da mem­le­ket­tik saraptamanyń oń qory­­tyn­dysyn da alyp qoı­ǵan. Másele tek respýb­lıka­lyq bıýdjetten bóli­netin qara­jatqa ǵana tirelip tur. Úkimettiń sońǵy keńeı­tilgen oty­rysynda Elbasy Nursultan Nazarbaev «Nurly jer» turǵyn úı qury­lysy baǵdarlamasyn ázir­leýdi tap­syrǵan edi. Onda jeke­men­shik qurylysshylar­dy yn­talandyrý isi­ne basa kó­ńil bólý kerektigi aı­tyl­ǵan. El­basy jeke­menshik úı salý­­shylardyń shyǵyn­da­ryn azaı­typ, memleket ın­je­ner­lik jáne áleý­met­tik ınfra­qury­lymdardyń qu­nyn óz moınyna alý kerektigin atap aıt­­qan. Bul barlyq shyǵynnyń 30 pa­­ıy­­zyn quraıtyny da eskertilgen. Mine, osy baǵdarlama ázir­len­­se, qazyǵurttyqtardyń ótini­­shi de oryndalary sózsiz. Onyń ús­ti­ne, senatorlar Álı Bektaev pen Asqar Beısenbaev osy máseleni oń sheshý­di surap, Premer-Mınıstrge depýtattyq saýal da jol­dapty. En­di senatorlarda bul saýal izdegen­ge – suraǵan bolyp, «Nurly jer» baǵdarlamasyn ázir­leý barysynda eskeriler degen senim zor. «Egemen-aqparat»