О́zbekstan saılaýǵa daıyndyq ústinde

О́zbekstan buqaralyq aqparat quraldarynyń habar­laýlaryna qaraǵanda, eldegi tórt saıası partııanyń bári de Ortalyq saılaý komıssııasyna (OSK) ústimizdegi jyldyń 4 jeltoqsanyna belgilengen prezıdenttik saılaýǵa qatysý týraly qujattaryn tapsyrǵan. О́zbekstannyń Halyqtyq-de­mo­­kra­tııalyq partııasy (О́HDP) men О́z­bekstannyń «Ado­lat» (Ádilet) Sosıal-demokra­tııalyq partııasy­nyń (О́SDP) ókil­deri  osy aptada Or­talyq saı­laý komıssııasyna respýb­lıka pre­zı­dentin saılaýǵa qatysý úshin qa­jet­ti qujattar paketin usyn­dy, deli­ngen OSK-nyń habarlama­synda. OSK-ǵa osyndaı qujattar pa­ke­tin О́zbekstannyń Lıberal-demo­kra­tııalyq partııasy (О́z­Lı­Dep) men «Mıllıı tıklanısh» partııasy (Ult­tyq qaıta órleý) da usynǵan kóri­nedi. Atap aıtqanda, О́zLıDep-tiń saıası keńesi memleket bas­shy­synyń laýazymyna el prezı­den­tiniń min­detin atqarýshy Shav­kat Mır­zıeevtiń, «Mıllıı tıkla­nısh» par­tııasy Sarvar Otamý­ra­dovtyń, «Adolat» О́SDP Na­rı­mon Ýma­rovtyń, al О́HDP Ho­­tam­jon Ket­monovtyń kan­dı­­da­­tý­­ra­­l­aryn usynyp otyr eken. О́zbekstan OSK-synyń resmı habarlamasynda eldegi barlyq tórt saıası partııanyń ókil­deri prezı­denttik saılaýǵa qatysý úshin OSK-ǵa qujattaryn ótkiz­geni atap kór­setiledi. Usynylǵan qujattardyń negi­zinde OSK bes kún merzim ishinde partııalardy prezıdenttik saılaýǵa jiberý ne jibermeý týraly naqty sheshim qabyldaıtyn bolady. Naqtylaı ketetin bolsaq, kezekten tys prezıdenttik saılaý О́zbekstanda ústimizdegi jyldyń 4 jeltoqsanynda ótkiziledi. Saılaý naýqany 9 qyrkúıekte bastalyp ketken edi. Al 30 qyrkúıek pen 20 qazan aralyǵynda úmitkerlerdi tirkeý júrgiziledi.