Jastarǵa jasalǵan úlken múmkindik

Qazaq memlekettik qyzdar pedago­gı­­kalyq ýnıver­sıtetinde qazan aıynda bir kún boıy, ıaǵnı saǵat tańǵy 7:00-17:00 aralyǵynda «Meniń búgingi jumysym...» atty stýdentter arasynda aıryqsha aksııa ótkizildi. Atalmysh aksııanyń maq­saty – stýdent-jastar zamanaýı kóshke ilesip, tek qana bir mamandyqpen shektelmeı, jan-jaqty bolyp, kez kelgen kásipti ıgerýi kerek. Jastardyń boıynda azamattyq ustanym, tapqyrlyq, áleý­mettik jaýapkershilik qasıet­teri arta túsedi. Jas adam neǵurlym san-salaly bolsa, ómirden óz úlesin alý jolynda esh qınalmaıdy. Qazirgi tańda elimizde ǵana emes, álemde jumyssyzdar sany artýda. Sol sebepten, qatyp qalǵan sheń­berden shyǵyp, alǵan maman­dyqtan bólek, túrli kásipti dóńgeletip áketken abzal. Bul bastamany Almaty qala­­synyń Jastar saıasaty basqarmasy qolǵa alyp otyr. Basqarma stý­denttik ózin ózi bas­qarýdyń jumysyn jetildirý jáne baǵalaý maqsa­tynda bıylǵy jyldan bastap «Almaty YouthAwards» sal­tanatty marapattaý rási­min ótkizýdi josparlap otyr. Qazaqstanda jastardy qoldaý jáne kásipkerlikti damytý jónindegi Elbasy N.Á.Nazarbaevtyń ıdeıasy bolatyn. Prezıdent jyldaǵy ha­lyqqa arnalǵan Joldaýlary men ult josparynda únemi jas­tardy qoldap, baǵyt-baǵdar berip keledi. Qyzdar ýnıversıteti stý­dentteri «Meniń búgingi jumy­sym...» atty aksııa barysynda barlyǵy 33 jumys ornymen kelisip, jumysqa saı qyz­met túrin kórsetti. Atap aıtar bolsaq, Ulttyq kitaphanada «Kitaphanashy», «Nur Otan» partııasynyń Eńbekshiqazaq aýdandyq fılıalynda «Is qaǵazdar júrgizýshi», Alma­ty qalalyq Ardagerler úıin­de «Áleýmettik qyzmet­ker», «Aq Úmit» balalar úıin­­de «Tárbıeshi», «Oskar» «Mo­dýl» modeldik agent­ti­gin­de, «Poleznaıa apteka» at­ty dárihanada farmasevt, «Deneba» aýtsorıngtik kompanııa­synda «Saqtandyrý agenti», №7 qalalyq klınıkalyq aýrýhanada «Aǵa meıirbıkeniń kómekshisi» syndy 33 túrli mekememen jumys jasap shyqty. Sondaı-aq, «balmuzdaq satýshy», «mýzykant», «jýrna­lıst», «konsýltant», «re­dak­tor-montajdaýshy», «daıa­shy», «gúl satýshy», «vıza­jıst», «kishi medısına qyzmetkeri», «promoýter», «mektep dırektory», «esepshi», «tarıh pániniń muǵalimi», «aýdarmashy», «ke­ńesshi-satýshy», «aspazshy», «shashtaraz» syndy san túrli maman ıesi bolyp, bir kún boıy atalmysh qyzmettiń qyzyǵy men qıyndyǵyn kórdi. Ár stýdent jumys jasaý barysynda óz sheberlikterin kórsetip, pedagogıkalyq maman­dyǵynan ózge sala túrin de ıgere alatyn­dyqtaryn dáleldedi. Mundaı is-sharalardy uıym­dastyrýda belsendilik tanytyp, stýdentterge úlgi-ónege, jol siltep otyrǵan Qyzdar ýnı­versıteti jastar saıasatyn damytý bóliminiń bastyǵy Nurgúl Qaıdaýylova bizben áńgimesinde: «Aldaǵy ýaqyttarda búgingi júr­gizilgen jumys óz jalǵasyn tabady. Jastar oqý ordamyzdyń mıssııasyna sáıkes bilim alýmen qatar, tálim-tárbıeni qatar alyp júrý kerek. О́z-ózin shyńdap, damytý shart. «Bulaq kórseń, kózin ash» demekshi, ár stýdent – bir-bir tulǵa. Erteńgi eline eńbek etetin ultjandy azamat pen azamatshany biz búgin daıyndaýdamyz. Sondyqtan, barynsha jas­tardy ıgi isterge jáne óz isiniń bilgiri bolyp qana qoımaı, jan-jaqtylyqqa tárbıeleıtinimizge esh kúmán keltir­meımin. Aksııanyń dit­te­gen maqsaty da osy bolatyn», – dep atap ótti. Bilim sha­ńyraǵy búgin erteń­niń senimdi irgetasyn qalaıtyn jigerli jas­tarǵa jaýapkershilik pen patrıot­tyq sezim qalyptastyryp tár­bıeleýdiń ozyq úlgisin kórsetip otyr dese bolǵandaı eken. Saparbaı PARMANQULOV, «Egemen Qazaqstan» ALMATY