Astana megapolıske aınalady

Aldaǵy ýaqytta elorda álemniń ozyq tehnologııalarymen jabdyqtalǵan iri megapolıske aınalady. Bul maqsatqa «Astana» halyqaralyq qarjy ortalyǵy da óz úlesin qosady. NEWENERGY halyqaralyq startap jobalar baıqaýynda Astana ákimi Áset Isekeshev osylaı dedi, dep habarlaıdy egemen.kz Baq.kz - ke silteme jasap. «Búgingi halyqaralyq startap jobalar baıqaýyna álemniń kóptegen elinen ınnovatorlar keldi. Astana – álemde qarqyndy damyp kele jatqan jas qala. Shahardaǵy halyq sany 1998 jyldan beri 4 esege ósip, 1 mıllıonǵa jetti. Qaladaǵy aqsha aınalymy – 40 mlrd dollar. Al 14-20 jas aralyǵyndaǵy jastar qala turǵyndarynyń jartysyn quraıdy. Aldaǵy ýaqytta Astana halyqaralyq qarjy ortalyǵynda brıtanııalyq zań júıesin qoldanatyn bolamyz. Búginde sheteldik ınvestorlarǵa vızalyq rásimderge jáne olardyń jumys isteýine jeńildik jasaımyz. Astanany megapolıske aınaldyramyz», - dedi ákim.   Onyń aıtýynsha, qalany damytý úshin ınnovasııalyq tehnologııalar qajet. «Qarqyndy damýǵa bet alǵan Astanada ınnovasııalyq tehnologııalarǵa suranys óte joǵary. Sondaı-aq, biz aýyl sharýashylyǵy, medısına, energetıka jáne tehnıka salalaryn qamtıtyn 5 óńirlik ortalyq qurǵymyz keledi. Bul jobaǵa halyqaralyq kompanııalar men ınnovasııalyq jobalardy tartpaqpyz. Smart sheshimder elimiz ben qala turǵyndarynyń ómirin jeńildetedi dep senemiz» - dedi Áset Isekeshev. Sonymen qatar, elorda ákimi shahardyń iri halyqaralyq qarjy ortalyqtarymen iri kompanııalar tyǵyz baılanys ornatqanyn atap ótti. «Qazirgi tańda biz jahandaǵy iri ınnovasııalyq Dýbaı, London, Máskeý syndy qalalarmen jáne Nuawei, Makkenzı, t.b. kompanııalarmen tyǵyz baılanys ornattyq. Ondaǵy maqsatymyz – Astanaǵa jańa tehnologııalar tartý. Bul baılanys shetelden ınvestısııa tartýǵa múmkindik beredi», - dep túıindedi sózin qala basshysy. Aıta keteıik, búgin Astanada NEWENERGY halyqaralyq startap jobalardyń konkýrsy ótip jatyr. Baıqaýǵa 55 memlekettiń ókilderi qatysýda. Konkýrsqa 100 startap joba usynylǵan. Baıqaýdyń qorytyndysy boıynsha úzdik 30 joba «EKSPO-2017» kórmesine qatysýǵa joldama alady. Al 5 joba qarjylandyrylatyn bolady.