Reseı Qazaqstanǵa Embi polıgonyn qaıtardy

Reseıdiń Qorǵanys mınıstri Sergeı Shoıgý Qazaqstandaǵy Embi polıgonyn jalǵa alý jáne paıdalaný boıynsha kelisimdi toqtatý týraly qazaqstandyq-reseılik memleketaralyq Hattamaǵa qol qoıdy, dep habarlaıdy egemen.kz TASS portalyna silteme jasap. «Bul Hattama Reseıdiń Qazaqstannan jalǵa alǵan polıgondardyń jer ýchaskelerin ońtaılandyrý boıynsha Qazaqstan men Reseı prezıdentteriniń kelisimin odan ári júzege asyrý maqsatynda daıarlanǵan. Bul baǵyttaǵy jumystardyń birinshi kezeńi Saryshaǵan polıgony men Reseı Federasııasynyń Qorǵanys mınıstrliginiń Memlekettik ushý-synaq ortalyǵynyń 929 áskerı alańdarynyń shekaralaryn naqtylaýmen baılanysty 2015 jyly qol qoıylǵan qujatpen baılanysty bolatyn»,-dep túsindirdi RF Qorǵanys mınıstrligi basshysynyń orynbasary Anatolıı Antonov. Hattamaǵa sáıkes, 300 myńǵa jýyq gektar jer jalǵa alý aımaǵynan shyǵarylady. «Biz jer telimderin ıgerý baǵytyndaǵy qazaqstandyq áriptesterimizdiń múddelerin eskerýgt barynsha tyrystyq»,-dedi Antonov 20 qazan kúni qol qoıylǵan qujatqa qatysty máselelerdi sóz ete kele. Qazaqstannyń halyq sharýashylyǵyna zamanǵa saı kommýnıkasııalardyń qurylystary men paıdaly qazbalardy ıgerý sharalary júrgiziletin aımaqtar qaıtarylady. Buǵan qosa Reseı federaldyq bıýdjeti polıgondy jaldaý úshin jyl saıyn jumsalatyn $0,718 mln únemdeıdi. Polıgondardy paıdalaný men synaqtardy ótkizý boıynsha Reseı tarapy Qazaqstannyń Qorǵanys mınıstrligimen ózara baılanystardy damyta bermek. «О́ıtkeni bizdiń polıgondarda synaqtan ótetin tehnıkalar men qarý-jaraqtar tek Qazaqstan men Reseıdiń ǵana ıgiligi úshin qyzmet etpeıdi»-dedi RF Qorǵanys mınıstriniń orynbasary.