Naýryzben kelgen qýanysh

Keshe Elbasy Nursultan Nazarbaev Asta­na­nyń Kongress-Holl saraıynda qalanyń tur­ǵyn úı basqarmasynda kezekte turǵan bir top astanalyqtarǵa memlekettik turǵyn úı qory esebinen jańa páterlerdiń kiltin tabys etti. Bul  Naýryz meıramy qarsa­ńyn­da turǵyndarǵa memleket ta­rapynan jasalyp otyrǵan ıgi isterdiń biregeıi deýge turarlyq shara boldy. Turǵyndar ózderine memleket tarapynan jasalyp otyrǵan qamqorlyqqa sheksiz rıza ekendikterin keń saraıdyń ishinde shattyq sezimmen sezdirip júr. Olardyń qýanyshy saraı­dyń barlyq túkpirin sharpyp,  osynda bolǵan jandardyń bári de qýa­nysh­ty kúıdi bastarynan keshti. Minberge kóterilgen Elbasy Nursultan Nazarbaev jınal­ǵan­dardy aldymen Naýryz merekesimen quttyqtady. Bas qalamyzda mundaı úlken merekeni qonys toıy qýanyshyna ulastyrý ıgi dástúrge aınalyp keledi. Bıylǵy Naýryzda barlyǵy 400 otbasy jańa qonysqa qol jetkizip otyr. Qýanyshtaryńyz qutty bolsyn, dedi Prezıdent. Odan ári Elbasy úsh jylǵa sozylǵan daǵ­darys jyldarynyń turǵyn úı qurylysyna da zardabyn tıgizgenin aıtty. Biraq soǵan qara­maı Qazaqstan óziniń aza­mat­taryn turǵyn úımen qamtamasyz etý máselesin bir sát te esinen shy­ǵarmaı, kún tártibinen túsir­gen emes. Kóptegen azamat­ta­ry­myz­dy aldap ketken senimsiz fır­malardyń da mindetin bılik óz moınyna alyp, zardap shek­ken­derdiń turǵyn úıleri qurylys­ta­ry­nyń aıaqtalýyna múmkindik tý­dyrdy. Odan arǵy óziniń sózinde Prezıdent álemdik ekonomıka­lyq daǵdarysqa qaramastan Qa­zaq­standaǵy turǵyn úı qory 45 mln. sharshy metrge ulǵaıǵanyn atap ótti. Sonyń arqasynda bú­gin­gi kúnge deıin 1,5 mln.-ǵa jýyq qazaqstandyqtar jańa baspanamen qamtamasyz etildi. Bas qaladan baspana alyp, «astanalyq» ataný Qazaqstannyń barlyq azamatyna úlken mártebe, zor qýanysh. Bizdiń táýelsizdik al­ǵan jyldardan bergi saıasaty­myz­dyń basym baǵyttarynyń biri de sol – árbir qazaqstandyq ot­basynyń óz baspanasy bolýyna qol jetkizý. Memleket osy maq­sat­qa qol jetkizý úshin qoldan kelgen barlyq múmkindikterdi jasaýda. Odan ári Prezıdent baspana alýdyń qýa­nyshy aıryqsha ekenin, sonyń ishinde, óziniń de shaǵyn páterge qol jetkizgendegi qýanyshyn eske alyp ótti. Prezıdent bıylǵy Jol­daýyna da toq­talyp, onda turǵyn úı-kom­mý­naldyq sharýa­shy­lyǵyn jańalaý týraly ar­naıy tapsyrma berilgendigin aıtty. Munyń ózi tur­ǵyndardyń aýyz sýmen, jylý­men, elektr jaryǵy jáne gazben qamtamasyz etilýindegi kemistikterdi joıatyny sózsiz. Eskirgen kommýnaldyq sharýashylyq júıe­lerin páter ıeleri koope­ratıv­teriniń óz kúshimen jańalandyra almasyn bilgendikten memleket tarapynan jasalyp otyrǵan bul qamqorlyq ta turǵyndardyń rı­zashylyqtaryn týǵyzýda. Onyń ústine osy jumystardyń arqa­syn­da 10 myńǵa jýyq adam ju­mys oryndarymen qamtamasyz etilmek. Sózin aıaqtaǵan soń Elbasy N.Nazarbaev júrekteri qýanyshtan lúpildep otyrǵan birqatar tur­ǵyndarǵa óz qolymen páter kiltterin tapsyrdy. Mundaı baqytqa ıe bolǵandardyń arasynda  qala­da­ǵy qurylys kompanııalarynyń birinde jumys isteıtin, otba­syn­da múgedek bala tárbıelep otyr­ǵan Dorj Beıimbet, Uly Otan soǵysy ardageriniń jesiri Ekaterına Nadyrova, áskerı qyz­met­ker Tımofeı Rolzıng, Astana qa­lasy gýmanıtarlyq kolledji­niń stýdenti, ata-ananyń qamqor­ly­ǵynsyz qalǵan Elmıra Bol­ǵanbaeva, Á.Marǵulan atyndaǵy 40-shy mekteptiń qazaq tili pániniń muǵalimi Bolat Baıqasov jáne t.b. boldy. Osy kúnderi jalpy sany 400 otbasy páter alýǵa qol jetkizdi. Olardyń bári de áleýmettik ja­ǵynan qorǵalýǵa tıisti toptar­dyń ókilderi. Atap aıtqanda, 19-y UOS-na qatysýshy men múge­dekter, 33-i osylarǵa teńestirilgender, 10-y jetim balalar, 46-sy zeınetkerler, 62-si 1-shi jáne 2-shi toptaǵy múgedekter, 7-i múgedek balalar asyrap otyrǵan, 8-i kóp balaly, 47-si tolyq emes otba­sylar. Bulardan basqa áleýmettik páterler alýshylar qatarynda 3 adam aýyr dertke shaldyqqandar, 8-i ekologııalyq apat saldarynan baspanasynan aıyrylǵandar, 5-i memlekettik nemese qoǵamdyq min­detti atqarý kezinde qaza tap­qandar otbasylary boldy. Osy­larmen qatar 153 bıýdjettik mekemeler men memlekettik qyzmet­kerler otbasylary da qonys toıyn toılaıtyn bolady. Bul páterler qazir qurylysy tolyq aıaqtalyp, qalanyń kommýnaldyq menshigine berilgen «Jaǵalaý», «Zerde», «Tamyz» turǵyn úı ke­shen­derinen beriledi. Kongress-Holldaǵy Elbasy­nyń qolynan páterdiń kiltin alý saltanaty K.Baıseıitova atyn­daǵy Ulttyq opera jáne balet teatry men «Serper» dombyra orkestri jáne basqalardyń qa­tysýymen bolǵan merekelik konsertke ulasty. Jaqsybaı SAMRAT. ----------------------------------------- Sýretterdi túsirgender S.BONDARENKO, B.OTARBAEV.