Tańat Nóserbaev «Ordabasynyń» oıynshysy atanýy múmkin

«Ordabasy» fýtbol klýbynyń jattyqtyrýshysy Baqtııar Baıseıitov «Astana» komandasynyń burynǵy shabýylshysy Tańat Nóserbaev jaıly óz pikirin bildirdi. Bul týraly vesti.kz habarlady. Elordalyqtardyń sapynan ketkennen keıin Nóserbaev erkin agent retinde júr. Sondaı-aq, sońǵy kezderi Jambyl Kókeevke de nazar aýdarǵany týraly sybystar taraǵan. Bul týraly: «Tańat Shymkenttegi jalpy jıynda bizben birge jattyqty. Eger bári oıdaǵydaı bolyp, kóńilimizden shyǵyp jatsa, kelisimshartqa otyramyz. Al Kókeev jaıly aqparat jalǵan. Men biraz oıynshylarǵa qyzyǵýshylyq tanytyp júrgenim ras. Biraq olardyń arasynda Jambyl joq», – dedi. Sonymen qatar, jaqynda Baqtııar Baıseıitovtiń bapkerlik qyzmetten klýbtyń basshylyǵyna aýysady degen jańalyqtar taraǵan. Alaıda, ol aqparatty da joqqa shyǵaryp, jattyqtyrýshylyq mindetin ary qaraı jalǵastyratynyn málimdedi. Aıta keteıik, Tańat Nóserbaev sońǵy úsh jylyn «Astanada» ótkizdi. Munda ol 152 matchqa qatysyp, 46 goldyń avtory atanǵan. Qaırat Nurdáýletov ketkennen keıin kapıtandyq mindetti atqardy. О́tken maýsymdy tórtinshi orynda aıaqtaǵan «Ordabasy» buǵan deıin Samat Smaqovpen kelisimshart merzimin uzartqan. Sonymen qatar, shymkenttikter komandasyz júrgen Baýyrjan Jolshıevti de birneshe ret shaqyrǵan bolatyn.