Túrkistan oblysy prokýratýrasynyń arnaıy prokýrorlary Qazaqstan Respýblıkasy Qylmystyq kodeksiniń 190-b. 4-b. 1-t. (alaıaqtyq), 262-b. 1, 2-b. (uıymdasqan topty qurý jáne oǵan qatysý) boıynsha qylmystyq is aıasyndaǵy sotqa deıingi tergep-tekserýdi aıaqtady.
Prokýratýranyń málimetinshe, tergep-tekserý barysynda 2024-2025 jyldar aralyǵynda shetel azamaty Qazaqstan aýmaǵynda áreket etip, ınternet jáne telefon arqyly jasalǵan alaıaqtyq jolymen 21 jábirlenýshige jalpy somasy 125 mln teńgeden astam materıaldyq zalal keltirgen uıymdasqan qylmystyq topty qurǵany jáne basqarǵany anyqtaldy.
Stalkıng pen alaıaqtyq qatań jazalanady
«Alaıaqtyq mobıldi baılanys quraldaryn paıdalana otyryp, telefon qońyraýlary arqyly jasalǵan. Kúdiktiler ózderin poshta uıymdary men baılanys operatorlarynyń qyzmetkerleri retinde tanystyryp, aldaý jolymen azamattardyń atyna nesıe rásimdep, alynǵan aqshalaı qarajatty ıemdengen», delingen habarlamada.
Sotqa deıingi tergep-tekserý barysynda jábirlenýshilerge 20 mln teńge qaıtaryldy. Kúdiktilerdiń 3 avtokólik quralyna tyıym salyndy. Qalǵan zalal somasy sot tártibimen májbúrlep óndiriletin bolady.
Almatyda alaıaqtyqqa qatysy bar 17,6 myń ınternet-resýrs buǵattaldy
20 kúdiktige qatysty qamaýda ustaý túrindegi bultartpaý sharasy sanksııalandy. 2 kúdiktige halyqaralyq izdeý jarııalandy.
Qylmystyq is boıynsha tergep-tekserý aıaqtaldy.
