Foto: gov.kz
Kútýge arnalǵan servıstik aımaqtardy jobalaý kezinde olardyń geografııalyq ornalasýy, beketterdiń ótkizý qabileti, boljamdy kólik aǵyndary, sondaı-aq jer bederi men klımattyq jaǵdaılar eskeriledi. Jol-kólik syzbasy kólik quraldarynyń barynsha joǵary ótkizý qabiletin qamtamasyz etip, qaýipsiz manevr jasaýǵa múmkindik berýi tıis. Bul rette qozǵalys kirý, sáıkestendirý, kútý, qyzmet kórsetý jáne shyǵý kezeńderine bólinedi.
Reseımen shekaradaǵy pavlodarlyq ótkizý beketterin jańǵyrtý bastaldy
Servıstik kútý aımaqtary turaq, kommersııalyq jáne ákimshilik aımaqtar syndy úsh fýnksıonaldyq bloktan turady. Turaq aımaǵynda júk jáne jeńil kólikter bólek ornalastyrylady, al elektrondyq kezek termınaldar men mobıldi qosymshalardaǵy tirkelý júıesi arqyly júzege asyrylady. Turaq aımaǵy keminde 200 júk kóligine eseptelýi tıis.
Kommersııalyq aımaqta júrgizýshiler men tasymaldaýshylarǵa arnalǵan servıstik nysandar ornalastyrylady. Ákimshilik aımaq operatorlardy qajet bolǵan jaǵdaıda, memlekettik organdardyń bólimshelerin ornalastyrýǵa arnalǵan.
О́tkizý beketteri tolyq jańǵyrtylady
«Servıstik aımaqtarǵa kirý jáne shyǵýdy baqylaıtyn avtomattandyrylǵan júıeler, memlekettik nómirlik belgilerdi taný fýnksııasy bar kólik quraldaryn esepke alý tetigi memlekettik organdardyń aqparattyq júıelerimen ıntegrasııalanýy tıis. Sonymen qatar qaýipsizdik júıeleri, turaqty mobıldi baılanys jáne ınternetke qoljetimdilik qamtamasyz etilýi qajet», delingen Kólik mınıstrligi taratqan habarlamda.
