Foto: Ashyq derekkóz
Tergeý materıaldaryna sáıkes, joba «www.boxywealth.com» ınternet-resýrsy jáne messendjerler arqyly jumys istegen. «Kúndelikti tabys» dep atalatyn chatta bastapqyda tutyný taýarlary týraly aqparat taratylyp, keıin azamattardy ınvestısııalyq platformaǵa tartý mehanızmi iske qosylǵan.
6,8 mlrd teńge shyǵyn keltirgen: Abaı oblysynda qarjy pıramıdasy áshkere boldy
Qatysýshylarǵa ártúrli ınvestısııalyq paketterdiń birin satyp alý jáne kún saıyn jarnamalyq materıaldardy qaraý usynylǵan. Bul rette paıdalanýshylarǵa táýligine 5%-10% kóleminde tabys ýáde etilgen.
Sonymen qatar júıede jańa qatysýshylardy tartqany úshin bonýs beriletin referaldyq shema jumys istegen.
Qarajat qabyldaý jeke tulǵalardyń (dropperlerdiń) bank shottary arqyly júrgizilip, keıin P2P aýdarymdar arqyly krıptovalıýtaǵa aınaldyrylǵan. Mundaı shema qarjy aǵyndaryn jasyrýǵa baǵyttalǵan.
Senim qalyptastyrý maqsatynda uıymdastyrýshylar kompanııany tirkep, keńse ashqan, jarnamalyq jumystar júrgizgen, «tabys» kórsetkishterin kórsetip, salymshylarǵa keńes berýdi jolǵa qoıǵan.
Tergeý qorytyndysyna sáıkes, 78 jábirlenýshi azamat jalpy somasy 110 mln teńgeden astam qarajat salǵan.
10 mlrd teńgeden astam shyǵyn: Qarjy pıramıdasyn basqarǵan kúdikti elge ekstradısııalandy
Kúdikti qamaýǵa alyndy. Sot sanksııasymen onyń Almaty qalasyndaǵy jer ýchaskesine tyıym salyndy.
Qylmystyq is sotqa joldandy. Qylmystyq-prosestik kodekstiń 201-babyna sáıkes, ózge derekter jarııa etýge jatpaıdy.
Qarjylyq monıtorıng agenttigi azamattarǵa ınvestısııalyq jobalarǵa qarjy salmas buryn olardyń zańdylyǵyn muqııat tekserýdi, usynylatyn aqparattyń shynaıylyǵyn baǵalaýdy jáne uıymdardyń resmı tirkelgenine kóz jetkizýdi eskertedi.
«NBC TV» qarjy pıramıdasyna qatysty qylmystyq is sotqa joldandy
