Almatyda kóp qabatty úı terezesinen 7 jasar bala qulap ketti

Almaty oblysy, Qarasaı aýdanyna qarasty «Asyl Arman» turǵyn-úı keshenindegi kóp qabatty úıdiń terezesinen 7 jasar bala qulap ketip, qaıtys boldy. Qańtardyń 7-si kúni keshkisin bolǵan qaıǵyly oqıǵa jaıly Feısbýkte Dudar Tazsha degen qoldanýshy jazdy. Tengrınıýstiń habarlaýy boıynsha, mundaı jaǵdaıdyń bolǵanyn Almaty oblysy IID rastady. Atalǵan áleýmettik qoldanýshysy óziniń postynda bylaı dep jazady: «Kóz aldymda 7-qabattan bala qulap ketti. О́tip bara jatqam, bala aldyma, asfalttyń ústine tústi. Ne isterimdi bilmeı qaldym. Aıǵaı saldym, jedel járdem shaqyrdym. Jasandy jolmen dem berý kerek pe, ony da bilmedim. Balanyń murnynan qan aqty, kózin ashty, sál ǵana qozǵaldy, boldy. Zárem qalmaı 7-qabatqa júgirip shyqtym, esikterdi qaǵyp, kimniń úıinde bala bar ekenin surap aıǵaıladym. Sheshesi esikti ashyp, kishkentaı bala bar, biraq ol asúıde oınap júr dedi. Sóıtti de asúıge bardy – tereze ashyq, al bala joq. Ol shyńǵyra bastady, qoly dirildep ketti. Astyǵa birge tústik. Áıeldi ustap turdy. Jedel járdem keldi, biraq balany qutqara almady. Jylap turmyn». Málimetter boıynsha bala 2015 jyly týǵan. Quqyq qorǵaý organdary quyzmetkerleri oqıǵa boıynsha tergeý-tekserý júrgizip jatyr.