Ýnıversıada qarsańynda Almatyda taýarlar jappaı arzandady

Almatyǵa úlken sport do­da­synyń jaqyndap kele jatqany anyq sezile bastady. Qala qonaqtary men tur­ǵyndaryn Ýnıversıada aıasynda utymdy usynystar men aýqymdy oqı­ǵa­lar kútip tur­ǵany baı­qalady. Ońtústik shaharǵa Ýnıver­sıada oıyndaryn tamashalaýǵa kelgender Almatydaǵy jappaı satylymdar men jeńildikter maýsymynyń ústinen túspek. Sonymen, Ýnıversıada qarsa­ńynda bastalatyn Almaty Sales Festival aıasyn­da Alma­tydaǵy iri dúkenderdiń barlyǵy taýarlaryn aıtar­lyqtaı arzandatady. Jeńildikter maý­symy aldaǵy 20 qańtardan 10 aqpanǵa deıin sozylmaq. Osy­laısha qaladaǵy 126 saýda oıyn-saýyq ortalyǵy men «street retial» úlgisindegi dúkenderde azyq-túliktik emes taýarlardyń barlyq túriniń baǵasy túsedi. Almatylyqtardy aıtpaǵanda, ilýde bir bolatyn Ýnıversıadany elimizdiń ár shalǵaıynan kelgen otandastarymyz da tamashalaýǵa, zamanaýı úlgidegi salynǵan sporttyq ǵımarattardy kórýge, sport dodalaryna jankúıer bolýǵa qyzyǵýshylyq tanytady dep kútilýde. Jáne buǵan Ýnı­­versıada jarystaryna qa­tysatyn 58 memlekettiń 2 myń­nan astam sportshysyn qosyńyz. Qazirdiń ózinde Almatydaǵy sýpermarketterde saýda qyzyp tur. Qaladaǵy 120-dan astam saý­da oıyn-saýyq ortalyǵy men 120 azyq-túlik ámbebap dúkeni 19 paıyzdan bastap 80 paıyzǵa deıin taýarlaryn arzandatty. ALMATY