Úndeý maqsaty – azamattardy saılaýǵa tegis qatystyrý – deıdi Oral qalasynyń ákimi S.Orazov

Oral qalasynyń ákimi S.Orazov kún ótken saıyn jaqyndap kele jatqan kezekten tys prezıdenttik saılaýǵa baılanysty Oral qa­lasynyń saılaýshylaryna, qaladaǵy eńbek ujym­dary­nyń je­tek­­shilerine jáne aýdan ákimderine arnap úndeý qabyldady.  Onyń má­­tini qalalyq jáne oblystyq gazetterde jarııalandy. Osyǵan baı­la­­nysty biz oǵan arnaıy baryp jolyǵyp, birneshe saýal qoıǵan edik. – Samıǵolla Hamzauly, bul úndeýińizdiń negizgi máni men maqsaty nede? – Bul saýalyńyzǵa qaıtarar jaýap bireý ǵana. Atalǵan úndeý al­daǵy prezıdenttik saılaýǵa aza­mat­tardy túgel qatystyrýǵa yq­pal ja­saý nıetinen týyndady. О́ıt­keni, prezıdenttik saılaý el­di­gimizdiń taǵy bir synǵa túser sha­ǵy dep esep­teımin. Iаǵnı, oǵan bárimiz birdeı qatysyp daýys berý arqyly eldik pen memleket­ti­lik­tiń taǵy bir bıik te jaýapty satysyna kóterile alamyz. Bizge bul saılaýda respýblıka prezıdentin birneshe úmit­ker­diń arasy­nan tańdaý quqy berilgen. Árkim óziniń osy konstı­tý­sııalyq quqy­ǵyn paıdalanýy qa­jet dep sanaı­myn. Mundaı qadam álemdik de­mo­kratııalyq qaǵıdat­tar­ǵa da to­lyq sáıkes keledi. – Oral qalasynyń saılaý­shy­laryna arnaǵan úndeýińiz­diń jaı-japsaryn gazet oqyr­man­da­rynyń nazaryna bere ket­ken­niń artyqshylyǵy joq shyǵar. – Álbette. О́zińizge belgili, kezekten tys prezıdenttik saı­laýǵa bir aptadan sál ǵana asatyn ýaqyt qaldy. Qazir oǵan ázirlik jumystarynyń etek-jeńin yq­sham­daıtyn kez keldi. Osy oraıda aıtarym, Oral qala­syndaǵy barlyq saılaý ko­mıs­sııa­laryna saılaýshylardyń tizimderi jetkizildi. Al 18 naýryzdan bastap oraldyqtar osy tizimmen tanysa bastady. Qa­jet bol­ǵan jaǵdaıda olar ózderi týraly málimetterdiń anyq-qa­nyǵyna kóz jetkizýlerine de bolady. Tek bir eskerer másele, mu­nyń ózi saılaýshylar saılaý ýchas­kelerine aldyn ala barǵan jaǵdaıda ǵana múmkin bolmaq. Tizimdi naqtylaý úshin telefondyq aqparattyq ortalyq quryldy. Onda Oraldyń ár turǵyny óziniń saılaýshylar tiziminde bar ekenine kózderin jetkize alady. Sonymen birge, saılaýǵa qatysty barlyq qajetti málimetter men ózge de aqparattar qala ákimdi­gi­niń resmı saıtyna da ornalas­ty­rylǵan. Mine, Oral qalasynyń saılaýshylaryna meniń atymnan jasalǵan úndeýdiń negizgi jelisi osyndaı. Árıne, qoǵamdyq ómir bir orynda turmaıdy. Ol únemi qoz­ǵalys, ózgeris ústinde. Saılaýǵa ázirlik kezinde nemese onyń dál ótetin kúni birqatar azamattar issaparda, oqýda, demalysta, emdelýde júrýleri múmkin. Mundaı jaǵ­daılarda olar qala aýma­ǵyn­da bola bermeıdi. Muny «Qa­zaq­stan Respýblıkasyndaǵy saılaý týraly» Konstıtýsııalyq zańǵa sáıkes retteýge ábden bolady. Iаǵnı, osy zań tarmaǵyna oraı respýblıkadaǵy kez kelgen ýchaskelik saılaý komıssııalary 18 naýryz ben 2 sáýir aralyǵynda saılaýshynyń jazbasha ótinishin qabyldaı alady. Buǵan qosa olar jeke basyn kýálandyratyn quja­tyn kórsetken kezde daýys berý quqyǵy beriledi. Bul shara esepten shyǵarý kýálikterin tabys etý arqyly iske asady. – Bul aıtyp otyrǵanyńyz tek bir qalaǵa ǵana emes, res­pýb­lıkadaǵy barlyq saılaý­shy­larǵa qatysy bar másele eken. Endi myna saýalǵa jaýap berińizshi. Sizdiń úndeýińizdegi eńbek ujym­darynyń jetekshilerine arnalǵan tustarda jal­pyhalyqtyq sıpat alýy ábden múmkin ǵoı. – Munyń da eshqandaı qupııa­sy joq. Eńbek ujymdarynyń ju­mys erekshelikterine sáıkes onyń birqatar músheleri saılaý kúni tirkelgen oryndarynan tys jerde bolýlary ábden múmkin. Ásirese, vahtalyq ádis rejiminde mundaı jaǵdaılar jıi oryn ala­dy. Osyndaı kezde olar ózderiniń konstıtýsııalyq quqyqtaryn iske asyra almaı qalýlary yqtımal. Soǵan baılanysty uıym bas­shy­la­ry qajetti uıymdastyrý sha­ra­laryn alýy qajettigin óz ún­deýim­de olardyń nazaryna berdim. – Sonymen birge úndeýińizde aýdan ákimderine de ún qatqan ekensiz. Siz – qala basshy­sy­syz. Bul qala ákimi ókilet­ti­giniń sheńberinen tys qadam dep oılamaısyz ba? – Joq, olaı dep múldem oı­lamaımyn. О́ıtkeni, bári de ortaq istiń nátıjeli aıaqtalýyn kóz­de­gen qam-qareketten týyndap otyr. Aıtalyq, aýdandarda turatyn saı­laýshylardyń birqatary saılaý kúni, joǵaryda aıtylǵandaı, ártúrli sebeptermen oblys orta­lyǵynda bolýy ǵajap emes. Mu­nyń ózi de zańda kórsetilgen merzimde habarlanýy kerek. Sodan keıin olarǵa daýys berý quqyǵyn beretin esepten shyǵarý kýá­lik­teri berilgeni jón. Mundaı jaǵ­daıda olarǵa daýys berý quqyǵyn bizder, qalalyqtar qamtamasyz ete alamyz. Úndeýdiń aýdan ákim­derine qatysty tusynyń máni men mánisi osyndaı. – Samıǵolla Hamzauly, tek bir ǵana qala tóńireginde emes, tutastaı respýblıka saılaý­shy­lary úshin de paıdaly áń­gi­me boldy dep oılaımyz. Osyn­daı mándi de maǵynaly áńgime­ńiz ben aldaǵy prezıdenttik saı­laýǵa azamattardy tolyq qatystyrý nıetin kózdegen ún­deýińiz úshin sizge kóp rahmet. Áńgimelesken Temir QUSAIYN, Batys Qazaqstan oblysy.