Avstrııalyq telearna jýrnalısimen kezdesti

Keshe el prezıdenttiginen úmitker, Qazaqstan Kommýnıstik halyqtyq partııasy atynan saılaýǵa túsip jatqan Jambyl Ahmetbekov avstrııalyq «ORF» telearnasy Máskeý bıýrosynyń jýrnalısi Markýs Mıýllermen kezdesip, onyń qoıǵan saýaldaryna jaýap berdi. Avstrııalyq jýrnalıst kan­dıdatqa el ishindegi jaǵdaıǵa, onyń kókeıinde júrgen máse­le­lerge, óziniń saılaýaldy baǵ­darlamasyna qatysty birqatar saýaldar qoıdy.  Máselen, BAQ ókiliniń «Qazaqstandaǵy saıası jaǵdaıdy qalaı baǵalaısyz?» degen saýalyna jaýap bergen  J.Ahmetbekovtiń pikirinshe, álem­niń basqa elderindegi sııaq­ty Qazaqstandaǵy daǵdarys salmaǵy da birinshi kezekte el tur­ǵyn­darynyń ıyǵyna túsken. «Daǵ­da­rys kezinde halyq bankır­lerdiń táýekelshildigin kóterýge májbúr boldy. Sol sebepti, qa­zirgi tańda Qazaqstanda áleý­met­tik máseleler aldyńǵy shepke shyqty. Bul, eń aldymen, azyq-túlik, kommýnaldyq tólemder baǵasy men tarıfteriniń ósýinen kórinedi. Buǵan eńbekaqynyń tómendigi men kóp turǵyn úı­le­r­d­iń saqaldy qurylysqa aınal­ǵanyn qosyńyz. Árıne, Qazaq­stan daǵdarys saldarynan birtindep shyǵyp keledi. Demek, endigi kezekte eldegi jaǵdaı Úki­mettiń kásibı deńgeıine,   qabyl­daǵan saıası sheshimderiniń sapa­syna tikeleı baılanysty bola­ty­nyn aıtýymyz kerek», – dedi kandıdat óz sózinde. J.Ahmetbekovpen áńgimelesý barysynda Markýs Mıýller onyń aldaǵy ótetin saılaýdan qandaı úmit kútetinin surady. «Saılaýshylardyń daýysyn sanap, bolashaqqa aldyn ala boljam jasaǵym kelmeıdi. Bul – saıasattanýshylardyń jumysy. Men – saıasatkermin. Meniń mindetim – eń sońyna deıin kúresý. Al bıliktiń mindeti – halyqtyń únine qulaq salý, olardyń muń-muqtajyna mán berý, áleýmettiń áleýetin kóterý», –  dedi ol. Suhbat barysynda jýrnalıst kandıdatqa óziniń halyqqa usynyp otyrǵan saılaýaldy baǵ­darlamasynyń basty usta­nym­dary jóninde aıtyp berýin surady. Qazaqstan Kommýnıstik halyqtyq partııasynyń ókili óz saılaýaldy baǵdarlamasynyń 3 ustanymǵa negizdelgenin, olar­dyń alǵashqysy – eldegi eń tó­mengi ómir súrýdiń eseptik kór­setkishin halyqaralyq standart­qa sáı­kes­tendirýge, ekinshisi – Qazaq­stan­nyń memlekettik jo­ǵary oqý oryndaryn bitirgen jas­tardyń jumysqa ornalasý­la­ryn kepildendirýge, al úshinshisi eldegi kommýnaldyq tólemder júıesin jańǵyrtýǵa baǵyttal­ǵa­nyn atap ótti. Suhbat barysynda J.Ahmetbekov halyqshyl kommýnıs­ter­diń 2012 jylǵy parlamenttik saı­laýǵa belsendi túrde qaty­sa­tynyn, bul rette óz tarap­ta­ry­nan «jańa áleýmettik baǵyt» baǵ­darlamasy  usynylatynyn atap kórsetti. «Sol arqyly biz qazirgi tańdaǵy saıası jáne áleý­mettik-ekonomıkalyq júıege par­lamentarızmniń qandaı da bir qurylymdary negizinde áser etkimiz keledi», – dedi ol óz sózinde. Láıla EDILQYZY.