Shyńdalý

Qazaqstan Respýblıkasy Qarýly Kúshteri Qurlyq áskerleri arasynda jeke quramnyń atys qarýynan atys jattyǵýlaryn oryndaýdan jáne dene tárbıesi daıyndyqtarynan eń úz­dik­terdi anyqtaý maqsatynda «Ile» po­lıgonynda uıymdastyrylǵan jarys­tyń qorytyndysy shyǵaryldy. Atys jarystarynda «Ońtústik» óńirlik qolbasshylyǵy 21450 áskerı bólimi motoatqyshtar batalonynyń vzvody, nysanalardyń 90 paıyzyna dál tıgizip, «úzdik» baǵa aldy. Dene tárbıesi daıyndyqtaryn an­yqtaý úshin jarystyń baǵdarla­ma­sy­na týrnıkte tartylý men 3 shaqyrym­ǵa júgirý sııaqty dene tárbıesi normatıvterin oryndaý qajet boldy. О́ńir­lik qolbasshylyqtar men Aero­utqyr áskerlerinen qatysqan jeke quramdar jaqsy nátıjeler kórsetti. Mundaı saıystar jazǵy oqý ke­ze­ńinde de uıymdastyrylatyn bolady. Bul shara jeke quram arasynda ja­rys­tyń keń etek alýyna jáne bó­limdegi komandırlerdiń jaýyngerlik ázirligin nyǵaıtýǵa talpynysyn art­ty­rýǵa, sonymen birge jarys baǵdar­lamasyna tank bólimsheleri úshin tank­ten jáne jaıaý áskerdiń jaýyn­gerlik mashınasynan, brondy tranporterden kózdep atýdan emtıhandar qabyldaýdy engizýge, al motoat­qysh­tarǵa, desantty-shabýyldaýshy bó­lim­­sheler men teńiz jaıaý áskeri ás­kerı qyzmetshilerinen atý erejesi men atys tapsyrmalaryn sheshýge múm­kin­dik týǵyzady. Bolashaqta Qazaqstan Respýblı­ka­sy Qarýly Kúshteri Qurlyq ásker­le­riniń qolbasshylyǵy mundaı ja­rys­tardy artıllerııa áskerleri bó­lim­she­lerinde, Áýe shabýylynana qor­ǵanys, RHBQ, ınjenerlik-saperlik jáne bar­­laý­shylar bólimshe­le­rin­de óz ma­man­­dyq­tary boıynsha ótkizýdi jos­par­lamaq. Oksana PARPÝRA. Sýretti túsirgen Abaı LAIKOV.