Dıplomattarmen kezdesti

Keshe Memlekettik hatshy – Syrtqy ister mınıstri Qanat Saýdabaev elimizde tirkelgen birqatar sheteldik elshilerdi, atap aıtqanda, Ýkraına jáne Fransııa elshileri Oleg Demın men Jan-Sharl Bertondy jáne Eýropalyq Komıssııa ókildiginiń basshysy Norber Jýstendi qabyldady. Qabyldaý barysynda sheteldik dıplomattar Cher­no­byl apa­tyna 25 jyl tolýy qarsańynda ústimizdegi jyl­dyń sáýirinde Kıev qala­synda josparlanyp otyr­ǵan qaýipsizdik jáne ıad­ro­lyq energııany ınnova­sııa­ly paı­dalaný jónindegi sam­mıtke qatysýǵa shaqyr­ǵan Prezıdent Nursultan Nazarbaevtyń atyna Ýkraına men Fransııa prezıdentteri qol qoıǵan úndeý-hatty Qanat Saýdabaevqa resmı túrde tabys etti. Sondaı-aq hatta Or­ta­lyq jáne Shyǵys Eýropadaǵy ıadrolyq qaýip­sizdik jobalaryn júzege asyrý jáne Chernobyl apa­ty saldaryn tolyǵymen joıý úshin Eýropalyq Komıssııa men «úlken segizdik» elderi negizdegen, Qorǵanysh ja­myl­ǵysy qu­rylymy qorymen jáne Iаdrolyq qaýipsizdik qorymen ynty­maq­tas­tyq mú­m­kindikte­rin qarasty­rý jaıy qozǵalǵan. Hatty qabyl alǵan eli­mizdiń syrtqy saıasat vedom­stvosynyń basshysy 500-ge tarta ıadrolyq synaqtan zardap shekken Qazaq­stan halqyna 1986 jylǵy apattan keıingi zalaldy aımaqta qal­ǵan Belorýssııa men Ýkraına halqynyń problemalary jaqyn ári tú­sinikti degendi aıtty. Onyń ústine Chernobyl AES-indegi apat saldaryn joıýǵa 32 myń qazaqstandyq jumyldy­ryl­ǵandyǵy da nazardan tys qalmady. «Jaqynda Japonııa­nyń Fýkýsıma AES-inde oryn alǵan apattar álemge ıadro­lyq energııany paıdalanýdy absolıýtti qamtama­syz etý­diń ýa­qyt­sha mańyzdy emestigin taǵy bir eske saldy jáne sondyqtan da jaqynda Kıevte ótetin sammıt der kezinde qolǵa alynyp otyr ári mańyzdy. Osy turǵydan kelgende Qazaqstan Prezıdenti N.Na­zarbaevtyń Semeı ıad­rolyq po­lıgonyn jabýyna 20 jyl to­lýyna oraı keń kólemdi sharalar ót­kizýge nıetti. Iаdrolyq qaýip­sizdik jáne taratpaýdyń jahan­dyq problematıkasy ony sheshýde sondaı halyqaralyq qoǵam­das­tyqtyń jahandyq qatysýyn talap etedi», dedi Qanat Bek­myr­zauly óz sózinde. О́zara pikir almasý bary­syn­da Kıevte ótetin sammıt aıasyn­daǵy konferensııanyń keıbir túıtkil­deri jáne Qa­zaqstannyń Ýkraına, Fransııa jáne Eýro­pa­lyq Odaq­pen yntymaqtastyǵyn odan ári nyǵaıtý jaılary sóz boldy. Asqar TURAPBAIULY.