Úkimet jumyspen qamtý ortalyqtaryn reformalaý kerek - Elbasy

Jańa tehnologııalardyń engizilýine baılanysty dástúrli salalarda eńbek resýrstary bosap qalatyn bolady. Bul týraly Nursultan Nazarbaev el halqyna arnaǵan «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy joldaýynda aıtylǵan. "Úshinshi keshendi mindet - eńbek naryǵyn jańǵyrtý. Jańa tehnologııalardyń engizilýine baılanysty dástúrli salalarda eńbek resýrstary bosap qalatyn bolady. Sonymen birge, jańa ındýstrııa quryp, damytý jumyspen qamtýdyń jáne azamattardyń naqty tabysyn ósirýdiń qosymsha múmkindigi bolýǵa tıis. Úkimet pen ákimderge eńbekkerlerdiń basqa salalarǵa basqarý aıasynda aýysýy úshin jaǵdaı jasaýdy tapsyramyn", - dedi Memleket basshysy. «Bizdiń iri kásiporyndar ákimdiktermen birlese otyryp, tıisti jol kartalaryn ázirleýi kerek. Onda qysqartylatyn jumysshylardy qaıta daıarlaý, olardy ári qaraı jumyspen qamtý úshin birlesip ınvestısııa salý jaıy qarastyrylýy qajet. Basy artyq jumys kúshi bar óńirlerden basqa jerlerge, sondaı-aq, aýyldardan qalalarǵa jumys kúshin utymdylyqpen tartýǵa qoldaý kórsetý kerek. Úkimet jumyspen qamtý ortalyqtaryn reformalap, barlyq bos jumys oryndary men búkil eldi mekenderde biryńǵaı onlaın platforma qalyptastyrýy qajet», - dep atap ótti Nursultan Nazarbaev.