Qyzylordada «Batys Eýropa - Batys Qytaı" kúre joly boıynda servıstik keshen ashyldy

Qyzylorda oblysy ákimi Qyrymbek Kósherbaevtyń qatysýymen «Qyzylorda» jol boıy servıstik kesheniniń ashylýy ótti. Jeke kásipker «Geıdarovtyń» «S» sanatyndaǵy «Qyzylorda» jol boıy servıstik kesheni «Batys Eýropa – Batys Qytaı» halyqaralyq avtodáliziniń 1803-shaqyrymynda ornalasqan. JK «Geıdarov» dırektory Mýslım Muzaparovtyń aıtýynsha, jobanyń quny 300 mln. teńgeni quraıdy. Keshen kásipkerdiń jeke qarjysyna salynǵan. Joba paıdalanýǵa berilgen jaǵdaıda 25 jańa jumys orny ashylady. Jer teliminiń jalpy aýmaǵy – 2 ga, qurylys kólemi – 1,8 myń sharshy metrdi quraıdy. Keshende 17 bólmeli qonaq úı, 85 oryndyq dámhana, avtobólshekter men azyq-túlik dúkeni, jelimdeý, kólik jýatyn oryn, dýsh jáne júk kólikteri men jeńil avtokólikterge arnalǵan turaq bolady. Oblys ákimi óńirdiń áleýmettik-ekonomıkalyq damýyndaǵy  jol boıy ınfraqurylymynyń mańyzdylyǵyn atap ótti jáne keshen basshysyna sáttilik tiledi.