Almaty polısııa departamentiniń málimetinshe, tekserý qorytyndysymen barlyǵy 135 adam ákimshilik jaýapkershilikke tartylǵan. Zań talaptaryn óreskel buzǵan 16 sheteldikke qatysty elden shyǵarý týraly sheshim qabyldandy. Sonymen qatar 27 adam jeke basyn anyqtaý úshin qabyldaý-taratý ornyna jetkizildi, al 23 qabyldaýshy tulǵa zań boıynsha jaýap berdi.
Reıd barysynda kóshi-qon polısııasynyń qyzmetkerleri jeke basyn kýálandyratyn qujattary joq azamattardy anyqtady. Olar SPA-salondardyń birinde jáne qurylys nysanynda bolǵan. Qujattary bolmaǵan barlyq azamat jeke basyn naqtylaý úshin qabyldaý-taratý ornyna ornalastyryldy.
Atyraýda bir jyl boıy zańsyz júrgen sheteldik azamat elden shyǵaryldy
Almaty polısııa departamenti kóshi-qon qyzmeti basqarmasynyń bastyǵy Erkin Amantaevtyń málimetinshe, atalǵan sharalardyń basty maqsaty — shetel azamattarynyń el aýmaǵynda zańsyz bolýynan týyndaýy múmkin qaýipterdiń aldyn alý. Polısııa tirkeý talaptarynyń saqtalýyn, elde bolý zańdylyǵyn jáne qabyldaýshy taraptardyń jaýapkershiligin júıeli túrde tekserý arqyly qaladaǵy qoǵamdyq tártip pen qaýipsizdikti qamtamasyz etýdi kózdeıdi.
Atyraýda sot sheshimin oryndamaǵan 18 sheteldik elden shyǵaryldy
