О́tken jyly tafgaılyǵymen aty shyǵyp, tamyz aıynan beri dıskvalıfıkasııaǵa ushyraǵan «Barys» hokkeıshisi Damır Ryspaev Russia-Hockey.ru saıtyna suhbat berdi.
«Jazamdy ótep júrmin. Bir qıyndyǵy tek Qurlyqtyq hokkeı lıgasyna ǵana emes Joǵarǵy hokkeı lıgasyna da qatysa almaımyn. Sol sebepti, máselen, «Saryarqa» men О́skemenniń «Torpedo» komandalarynda oınaı almaımyn. Qazir Qazaqstan chempıonatynda «Nomad» namysyn qorǵap júrmin. Osyndaı qıyn kezeńde bapkerlerim men áriptesterim barynsha qoldaý kórsetip jatyr», – dedi 21 jastaǵy hokkeıshi.
Jas sportshy osynyń saldarynan qyrkúıek aıynda Qazaqstan quramasynyń olımpıadalyq irikteý týrnırine de qatysa almaǵan.
«QHL aýqymdy ári bedeldi lıgalardyń biri. Qazaqstan quramasymen jattyqsam da, qurama tizimine ilige almadym», – deıdi «Nomad» oıynshysy.
«Nomadta» tek qorǵanysta óner kórsetemin. Osyǵan deıin 25 matchqa qatysyp, bir goldyń jáne eki nátıjeli pastyń avtory atandym. Barynsha abaı bolyp, tártipke saı oınaýǵa tyrysyp júrmin. Osy ýaqyt aralyǵynda tek 37 mınýt aıyp ýaqyt aldym», – deıdi ol.
Salystyrmaly túrde qarar bolsaq, «Barys» sapynda 23 match ótkizip, barlyǵy 194 mınýtqa aıdynnan qýylǵan eken.
«BAQ betterindegi málimetterinde «Barys» QHL-ǵa dıskvalıfıkasııamdy qaıta qaraý jóninde ótinish jibergen kórinedi. Aqpan aıynda Máskeýde osy másele qaıta qaralýy múmkin. Jaqsy jańalyqtan úmittenip júrmin. «Kýnlýn Red Starmen» kezdeskenimizge de jarty jyl boldy. Osyǵan deıin istiń anyq-qanyǵyn anyqtap, naqty sheshim shyǵaratyn ýaqyt kelgen sııaqty. Barys» sapynda tezirek aıdynǵa shyqsam eken deımin. QHL basshylarynyń kásibıligine senim artamyn», – dedi Damır.
«Aqparat quraldarynda jarııalanǵan maqalalar ylǵı da jolyma bóget bolyp keldi. Biraq qansha jerden atyshýly hokkeıshilerdiń biri bolsam da, qarsylastarymnyń bir de bireýin jaraqattamappyn. Degenmen, hokkeı eń qaýipti sporttyń biri sanalatyny o bastan belgili. Máselen, birneshe kún buryn «Torpedo» – SKA arasyndaǵy matchta aıdyn ıeleriniń shabýylshysy aldymen, qaqpashy Koskınendi aıaǵynan shalyp qulatsa, artynsha Prohorkındi qańbaqsha ushyryp túsirdi. Osynyń saldarynan ekeýi de uzaq merzimdi jaraqat alýy múmkin edi», – dedi Ryspaev.
