Táýelsizdikke arnalǵan ǵumyr

Jýyrda Ankara qalasynda ornalasqan Qazaqstannyń Túrkııadaǵy elshiliginde Qazaqstan men Túrkııa arasyndaǵy dıplomatııalyq qarym-qatynastyń 25 jyldyǵy aıasynda «Táýelsizdikke arnalǵan ǵumyr: Mahambet О́temisuly» atty jyr jınaǵynyń tusaýkeser rásimi ótti, dep habarlady elshiliktiń baspasóz qyzmeti. Atalǵan sharaǵa Qazaqstannyń Túr­kııa­daǵy elshiliginiń Ýaqytsha senim­di ókili Álimhan Esengeldıev, Eýra­zııa jazý­shy­lar qaýymdastyǵynyń tóraǵa­sy Iаkýb Omaroǵly, Ardahan ýnıver­sı­teti­niń áde­bıet­tanýshy-ǵalymdary professor Or­han Sóı­lemez jáne professor Aıabek Baı­nııazov, túrik zııaly qaýym ókilderi qatysty. Jıyndy ashqan Á.Esengeldıev eki baýyr­las el arasyndaǵy dıploma­tııa­­lyq qarym-qatynastyń 25 jyl­dy­ǵy­­m­en quttyqtap, Qazaqstannyń qol jet­k­iz­gen jetistikteri men Elbasy N.Nazarbaev­tyń «Qazaqstannyń Úshinshi jańǵyrýy: jahandyq básekege qabilet­tilik» atty halyqqa arnaǵan Joldaýy týra­ly málimet berdi. Sondaı-aq, eki el ara­syn­daǵy mádenı jáne gýmanıtarlyq baıla­nysty kúsheıtýge baǵyttalǵan ju­mys­tarmen tanystyryp, túrik tilinde jaryq kórgen qazaq kórkem ádebıeti­niń injý-marjandaryn atap ótti. Sonyń ishinde qazaqtyń aqberen aqy­ny Mahambettiń jyr jınaǵy bar eken­digin jetkizdi. Kitaptyń jaryq kórýine qoldaý kórsetken Eýrazııa jazýshylar qaýymdastyǵyna qarasty «Bengý» baspasyna, Mahambettiń jyrlaryn túrik tilinde sóıletken O.Sóılemezge jáne A.Baınııazovqa alǵys bildirdi. Eýrazııa jazýshylar qaýym­dastyǵy­nyń tóraǵasy Iа.Omaroǵly óz sózinde Táýel­sizdiktiń 25 jyldyǵyn toılaǵan Qazaq­stannyń 2017 jyly BUU Qaýip­sizdik Keńesiniń turaqty emes múshesi retinde qyzmetine kiriskenine baılanysty Elbasy N.Nazarbaevty jáne baýyrlas qazaq halqyn shyn júrekten quttyqtap, jahandyq ekonomıka daǵdarysqa dýshar bolǵan qazirgi ýaqytta Qazaqstannyń ózi ustanyp otyrǵan dana ekonomıkalyq saıasatynyń arqasynda qıyndyqtan kóp qınalmaı ótkendigin atap kórsetti. Sonymen qatar, Mahambet shyǵarmashylyǵynyń túrki áleminiń rýhanı qazynasy ekendigin, onyń árbir óleńinde táýelsizdikti ańsaý jáne kúres­kerlik rýhtyń saqtalǵandyǵyn jetkizdi. Ardahan ýnıversıtetiniń professory O.Sóılemez 1995 jyly Kolýmbııa ýnıversıtetinde «1985 jyldan keıingi qazaqtyń ulttyq áleýeti» taqyrybynda doktorlyq dıssertasııa qorǵaǵanyn jáne qazaq ádebıetine qatysty birqatar jumystar atqarǵanyn aıta kele, Mahambet shyǵarmashylyǵy jóninde baıandama jasady. Aqyn-jyraýlardan qalǵan jyrlardyń túrki dúnıesiniń rýhanı álemin baıyta túskenine, sonyń ishinde máńgi mura bolyp qalǵan Maham­bettiń árbir óleńiniń muhıtqa quıylǵan ózendeı álem ádebıetiniń injý-marjany ekendigine basa nazar aýdardy. Túrkııanyń ataqty aqyny Alı Akbash túrki halyqtarynyń poezııasy, sonyń ishinde qazaq poezııasynyń erekshelikteri týraly málimet berip, Mahambettiń óleńderin oqyp, uly aqynnyń jyrlarynda saqtalǵan tynystyń keńdigin, uly baıtaq dalanyń sulýlyǵyn jáne ózine tán yrǵaǵyn kórsetip, taldap berdi. Shara sońynda qazaq ádebıetin nasıhattap, Qazaqstan men Túrkııa arasyndaǵy dostyq jáne yntymaqtastyqtyń nyǵaıýy­na úles qosqany úshin ǵalym Orh­an Sóı­lemez «Qazaqstan-Túrkııa dos­tyǵy» medali­men, professor Aıabek Baınııa­zov al­ǵys plaketkasymen marapattaldy.