Foto: gov.kz
Kedendik bajdar men salyqtardy tóleý merzimderi qoldanystaǵy keden zańnamasynyń normalaryna sáıkes belgilenedi. Árbir jaǵdaı boıynsha tólem ýaqyty taýardyń sıpatyna jáne kedendik rásimge baılanysty naqtylanady.
Zańnamada tólem merzimin ózgertý múmkindigi de qarastyrylǵan. Atap aıtqanda, ákelinetin kedendik bajdardy tóleý keıinge qaldyrylýy nemese bólip tóleý tártibimen júzege asyrylýy múmkin. Keıinge qaldyrý kezinde soma birjolǵy tártippen tólense, bólip tóleý bekitilgen keste boıynsha kezeń-kezeńimen júrgiziledi. Mundaı jeńildik tóleýshiniń ótinishi negizinde keden organynyń sheshimimen jáne mindettemelerdiń oryndalýyn qamtamasyz etý shartymen beriledi.
Tólem merzimin uzartý 6 aıǵa deıingi ýaqytty qamtıdy. Eger paıyz esepteletin bolsa, merzim 6 aıǵa deıin belgilenedi. Al zańda kórsetilgen negizder bolǵan jaǵdaıda – tótenshe jaǵdaılar, bıýdjettik qarjylandyrý, halyqaralyq sharttar nemese aýyl sharýashylyǵy ónimderin jetkizý sekildi jaıttarda – 6 aıǵa deıin paıyzsyz merzim berý múmkindigi qarastyrylǵan.
Kedendik bajdar men salyqtar ýaqytyly tólenbegen jaǵdaıda, zańnamada kózdelgen erekshelikterden tys ósimpul esepteledi. Al tóleýdi keıinge qaldyrý nemese bólip tóleý kezinde esepteletin paıyz mólsheri Ulttyq Bank belgileıtin bazalyq mólsherleme negizinde aıqyndalyp, belgilengen tártippen tólenedi.
Kedendik tólemder Qazaqstannyń ulttyq valıýtasynda júrgiziledi. Tólemdi tóleýshiniń ózi nemese onyń tapsyrmasy boıynsha úshinshi tulǵa júzege asyra alady. Qarajat ekinshi deńgeıli bankter men ózge de ýákiletti uıymdar arqyly aýdarylyp, bıýdjetke bıýdjettik synyptamanyń tıisti kodtary boıynsha esepke alynady.
Tólem kúni retinde tólem tásiline qaraı qarajattyń banktik shottan esepten shyǵarylǵan kúni nemese qolma-qol aqsha engizilgen kún esepteledi.
Keden salasynda laýazymyn asyra paıdalanǵan Qazaqstan azamaty Ispanııadan ekstradısııalandy
