Foto: Oqý-aǵartý mınıstrligi
Tanym kópbeıindi kesheninde ótken qorytyndy kezeńge elimizdiń barlyq óńirinen 300-den astam oqýshy qatysyp, ózara baq synady. Mınıstr óz sózinde bilim men ǵylymnyń mańyzyn atap ótip, olımpıadanyń eki mańyzdy oqıǵamen tuspa-tus kelgenin jetkizdi.
«Bıyl elimizde jańa Konstıtýsııa kúshine enip, damýymyzdyń jańa kezeńi bastaldy. Sonymen qatar bul doda Naýryz meıramymen qatar kelip otyr. Respýblıkalyq olımpıada jastar úshin jańa múmkindikter alańyna aınaldy. Memleket basshysy Qasym-Jomart Toqaev bilimdi jastarǵa úlken senim artady. Halyqaralyq júldegerler men olardyń ustazdaryna birjolǵy qarjylaı syıaqy qarastyrylǵan», dedi Juldyz Súleımenova.
Olımpıadanyń basty maqsaty – daryndy oqýshylardy anyqtaý, olardyń ǵylymı áleýetin damytý jáne halyqaralyq jarystarǵa qatysatyn ulttyq quramany qalyptastyrý.
Qazaqstandyq oqýshylar halyqaralyq olımpıadada eki júlde jeńip aldy
Bıyl jalpy bilim beretin pánder boıynsha respýblıkalyq olımpıadanyń qorytyndy kezeńine 360 myńnan astam oqýshy qatysqan. Sonyń ishinde 1 636 oqýshy respýblıkalyq kezeńge joldama alǵan. Jaratylystaný-matematıka baǵyty boıynsha 930, al qoǵamdyq-gýmanıtarlyq baǵytta 706 oqýshy baq synady. Sondaı-aq aýyl mektepteri arasynda ótken olımpıadada 73 jeńimpaz anyqtaldy.
Jalpy, qatysýshylardyń 45% júldeli oryndarǵa ıe bolyp, I, II jáne III dárejeli dıplomdarmen, sondaı-aq altyn, kúmis jáne qola medaldarmen marapattalady.
Oqýshylar halyqaralyq robototehnıka chempıonatynda top jardy
