Shırek ǵasyr boıy sheshilmegen túıin

Degenmen de, qalashyq ja­nynda ornalasqan eldi mekenniń máselesi qazir ózekti bolyp tur.

Munda 110 úı bar bolsa, sol 110 úıdiń 10 gektar jerge ornalasqan 30 úıiniń jeri Almaty oblysy Jambyl aý­danyna qaraıdy eken. Halqy da Jambyl oblysyniki bolyp sanalady. Endi nelikten oblysaralyq shekara áý basta durys belgilenbegen degen oı kópke túsiniksiz bolǵanymen, turǵyndar úshin shırek ǵasyr boıy sheshimin tappaı kele jatqan qazirgi másele osy.

Al Otar aýyldyq okrýginiń ákimi Jaılybek Shadıev endi bul jaǵdaı turǵyndardyń tir­keý­ge turýyna, úı qujattaryn resim­deýine jáne ózge de sharýalaryna kedergi keltirip otyrǵanyn aıtady. Bul má­se­le ilgeride kóterilse de, she­shimin tappaǵan. Sondaı-aq, ob­lysaralyq shekaralyq má­se­lege baılanysty Gvardeısk qa­lashyǵynda ornalasqan 4 qa­batty 70 páterli 1 úıdiń qu­jattary da resimdelmeı otyrǵan kórinedi. Al atalǵan qa­lashyqta osydan 5 jyl buryn el ıgiligine berilip, búginde halyqqa qyzmet kórsetip turǵan 30 kelýshige arnalǵan dárigerlik ambýlatorııa, 900 oryndyq orta mektep jáne 350 oryndyq balabaqshanyń qujat máselesi de sheshilmeı otyr. Jambyl oblysyndaǵy iri aýdandardyń biri − Qordaıdaǵy bir másele osyndaı.

Talaı jyl boıy áskerı qyz­mette bolyp, búginde zeınet dema­lysyna shyqqan jergilikti tur­ǵyn Talasbek Terlikbaevtyń aı­­t­ýynsha, eń mańyzdy másele ha­­­lyqqa tıesili. «Qaı aýyl­da tu­ra­tynymyzdy ózimiz de bil­meı­miz. Aýylda turǵyn úıdi sa­tý da qıyn. Sebebi, mun­da­ǵy máseleni eldiń bári bi­le­d­i. Sondyqtan da almaıdy. Odan keıin jaıylym, jer alý da qıyndyq týdyryp otyr. Mysaly, meniń 4 balam bar. Al endi memleketten tıesili jerimizdi alaıyq desek, aldymyzdan kedergi taǵy shyǵady», degen turǵyn munda jaryq máselesiniń de ózekti ekenin jetkizdi. Másele bolǵanda, aýylda jaryq bar, árıne.

Biraq endi ár aıdyń sońynda halyq tutynǵan jaryqtyń aqysyn tóleıin dese, bank qa­byldamaıdy eken. Sodan tur­ǵyndar tutynýshylardyń aq­sha­syn jınap, ony Otarǵa aparyp tóleý úshin bir adamdy saı­lap qoıǵanyn, oǵan da en­digi jerde halyq qosymsha shy­ǵyn­danatynyn aıtty. Mu­nyń bar­lyǵy da aınalyp kelgen­de ha­lyqqa túsip otyrǵan sal­maq ekeni belgili. Jergilikti ha­­l­yq endi bul másele boıynsha Elbasynan kómek kútedi. Eli­miz táýelsizdik alyp, tuǵyrǵa kó­terilgeli de shırek ǵasyrdan as­tam ýaqyt ótti. Sodan beri kún tártibinen túspeı kele jatqan bul másele halyq úshin áli de ózekti.

Hamıt ESAMAN,
«Egemen Qazaqstan»

Jambyl oblysy