Elimizde 4 myńnan astam qoǵamdyq qurylym etnosaralyq qatynastardy nyǵaıtýǵa úles qosyp keledi

10 ret

kórsetildi

1 mın

oqý úshin

Búginde Qazaqstanda 100-den astam etnos ókilderi turady. El aýmaǵynda 1000-nan astam etnomádenı birlestik pen 4000-nan astam qoǵamdyq qurylym jumys isteıdi, dep jazady Egemen.kz Mádenıet jáne aqparat mınıstrligine silteme jasap.

Aıana TOǴANBEK

Elimizde 4 myńnan astam qoǵamdyq qurylym etnosaralyq qatynastardy nyǵaıtýǵa úles qosyp keledi

Olardyń qatarynda volonterlik jáne jastar uıymdary, medıasııa ınstıtýttary, ǵylymı-sarapshylyq qaýymdastyq pen buqaralyq aqparat quraldarynyń ókilderi bar.

Osy aýqymdy jumysty qoldaý maqsatynda ınfraqurylymdy damytýǵa erekshe mán berilip otyr. Máselen, 2026 jyly Qyzylorda qalasynda jańa Dostyq úıi ashyldy. Qazirgi ýaqytta elimizde 36 Dostyq úıi jumys isteıdi. Onda etnomádenı birlestikterdiń tolyqqandy qyzmet júrgizýine barlyq qajetti jaǵdaı jasalǵan.

«Alǵys aıtý kúni aıasynda respýblıka boıynsha 300-den astam is-shara uıymdastyryldy. Olardyń qatarynda «Alǵys estafetasy», saltanatty kezdesýler men qaıyrymdylyq aksııalary bar. Negizgi is-sharalardyń biri Beıbitshilik jáne kelisim saraıynda ótken respýblıkalyq forým boldy», delingen habarlamada.

Etnomádenı birlestikter «Taza Qazaqstan» jalpyulttyq jobasyn iske asyrýǵa da belsendi atsalysyp keledi. Olardyń 300 myńnan astam ókili elimizdiń barlyq óńirlerinde ekologııalyq aksııalar men is-sharalarǵa turaqty negizde qatysady.