Sýret: aqmeshit-aptalygy.kz
Jarlyqtyń negizgi maqsaty – jasandy ıntellekt jedel damyp kele jatqan kezeńde elimizdiń órkendeýin qamtamasyz etip, adam kapıtalyn ilgeriletýge úles qosatyn ınnovasııalyq bilim júıesin qalyptastyrýǵa jaǵdaı jasaý. Sondaı-aq qala men aýyl mektepteri arasyndaǵy alshaqtyqty azaıtyp, oqýshylardyń turǵylyqty jerine qaramastan sapaly ári zamanaýı bilimge teń qoljetimdiligin qamtamasyz etý.
Jasandy ıntellekt oqý úderisine naqty engiziletin tıimdi qural retinde shalǵaı óńirlerdegi oqýshylarǵa iri qalalarmen birdeı bilim alý múmkindigin keńeıtýge múmkindik beredi. Sonymen qatar memlekettik saıasattyń mańyzdy basymdyqtarynyń biri shaǵyn jınaqty aýyl mektepterin qoldaý bolyp qala beredi.
Jarlyqty iske asyrý jáne jasandy ıntellekt tehnologııalaryn kezeń-kezeńimen engizý aıasynda mektepterdi zamanaýı sıfrlyq sheshimdermen, sapaly bilim kontentine qoljetimdilikpen jáne derbestendirilgen oqytý quraldarymen jaraqtandyrý kózdelgen.
Jasandy ıntellekt tehnologııalaryn engizýdiń júıeliligi men qaýipsizdigin qamtamasyz etý úshin olardy bilim salasynda qoldanýdyń biryńǵaı standarttary bekitiledi. Bul standarttar oqý materıaldaryn jasaý jáne beıimdeý kezinde JI-di paıdalaný, bilimdi baǵalaýda tehnologııalardy qoldaný, ashyqtyq pen akademııalyq adaldyqty qamtamasyz etý jáne oqý úderisinde sıfrlyq quraldardy paıdalanýdyń etıkalyq aspektilerin retteý sııaqty negizgi baǵyttardy qamtıdy.
Móldir Smahanova,
Qyzylorda qalasyndaǵy №290 Keleshek mektebiniń dırektory
