Foto: ashyq derekkóz
Qorǵaýshynyń aıtýynsha, Sanjar Boqaev 18 maýsymǵa deıin qamaýda bolady. Ol 18 naýryzda Almaty qalasynda tutqyndalǵan bolatyn. Sot tergeý barysynda ony eki aıǵa qamaýǵa alýǵa sanksııa berdi.
Buǵan deıin bas prokýrordyń orynbasary Erlan О́tegenov belsendige qatysty tergeý eki bap boıynsha júrgizilip jatqanyn aıtqan. Onyń alǵashqysy úlken kólemdegi alaıaqtyq iske qatysty.
Bas prokýratýra Sanjar Boqaevtyń isi boıynsha jańa málimetterdi jarııalady
Bas prokýratýra ókiliniń aıtýynsha, bul jaǵdaı qoǵam belsendisiniń ulttyq kompanııada jumys istegen kezeńine baılanysty. Ashyq derekterge súıensek, Sanjar Boqaev 2015-2018 jyldar aralyǵynda «QazTransGaz» AQ basqarma tóraǵasynyń keńesshisi bolǵan.
Ekinshi aıyptaý isi Almatydaǵy aǵashtar men butalardy zańsyz kesýge qatysty. Tergeýshilerdiń aıtýynsha, Boqaev aqshalaı syıaqy alý úshin az qamtylǵan azamattardy aǵash kesýge tarta otyryp, keıin áleýmettik jelide beınejazbany taratyp, qoǵamda narazylyq týdyrýy múmkin.
Asa iri mólsherdegi alaıaqtyq jáne jalǵan aqparat: Almatyda Sanjar Boqaev ustaldy
Aıyptalýshynyń áreketine baılanysty quqyqtyq baǵany sot beredi.
