Foto: Ashyq derekkóz
Ktk.kz málimetinshe, qoljetimdi baǵalar men áleýmettik jelilerdegi jaqsy pikirler adamdardy osy kompanııaǵa senýge ıtermelegen.
Almaty turǵyny Gaýhar Maratqyzynyń aıtýynsha, Mavrıkıı men Úndistanǵa týr brondap, 50 paıyz aldyn ala tólem jasaǵan. Týrlary 4 jáne 10 mamyrǵa josparlanǵan. 2 naýryzda 400 myń teńge tólegen.
«Ushýǵa 3-4 kún qalǵanda: «Nelikten chat áli ashylmady?» dep suradym. Keıin olar: «Keshirińiz, chatyńyz joǵalyp ketipti, taba almadyq. Top tolyq jınalmaǵandyqtan, týryńyz toqtatyldy», dep jaýap berdi», deıdi G. Maratqyzy.
Al shetelge baryp úlgergen týrısterdiń jaǵdaıy odan da qıyn bolǵan.
«Men eki balammen jáne zeınet jasyndaǵy úlken kisilermen birge boldym. Bizdi túngi saǵat úshte Qytaıdyń Chendý qalasynda, bóten elde, til bilmeıtin jaǵdaıda tastap ketti. Kompanııa ókili 14 týrıstiń tek 5-eýine ǵana bılet satyp alynǵanyn aıtty», deıdi Aqnıet Nurmuhamedova.
Raqymshylyq durys qoldanylmaǵan: Túrkııa men Egıpetke jalǵan joldama satqan alaıaq qaıtadan sottaldy
Kompanııa basshysy jaǵdaıǵa baılanysty óz pikirin bildirgen, másele tehnıkalyq aqaýdan týyndaǵan.
«11 mamyr kúni bizdiń WhatsApp pen Instagram jelileri bir mezette jumysyn toqtatty. Saldarynan kóptegen klıentter bizben baılanysa almady. Sol kezeńde kóptegen týrlar júzege aspaı qaldy, bul janjalǵa sebep boldy. Qazir keıbir klıentterge qarajattyń bir bóligi tólendi, al keıbirimen tolyq esep aıyrystyq», deıdi Erkebulan Aımuratuly.
Klıentter jappaı polısııaǵa aryz túsirip jatyr.
Qylmystyq kodekstiń 190-baby 3-bóligi 3-tarmaǵy boıynsha qylmystyq is qozǵalyp, sotqa deıingi tergep-tekserýdiń biryńǵaı tizilimine tirkelgen. Aryzben júgingen barlyq azamattardyń ótinishteri qabyldanǵan.
Kompanııa basshylyǵy aqshany qaıtarýǵa ýáde bergenimen, zardap shekkender qatań shara qoldanýdy talap etip otyr.
Qostanaılyqtar týrıstik kompanııaǵa 40 mln teńgege aldanyp qaldy
