Foto: istockphoto.com
Sınoptıkter 4 maýsymda batys aımaqtarda, 4-5 maýsymda eldiń soltústik-batysy men soltústiginde, 6 maýsymda respýblıkanyń ońtústik-shyǵysynda jańbyr jaýady dep boljaıdy. Al Qazaqstannyń shyǵysy men ońtústiginde ǵana aýa raıy negizinen jaýyn-shashynsyz bolady dep kútiledi.
Batys, soltústik-batys jáne soltústik óńirlerde kúndiz aýa temperatýrasy +22...+30°C-qa deıin jylynady.
Soltústik-shyǵys pen shyǵysta +30...+37°C-qa deıingi aptap ystyq saqtalady.
Ońtústik-shyǵysta aptap ystyqtyń beti qaıtyp, aýa temperatýrasy +25...+33°C shamasynda bolady.
Eske sala keteıik, «Qazgıdromet» usynǵan boljamǵa sáıkes, maýsym jáne tamyz aılary ádettegiden ystyq bolady. Qazaqstan aýmaǵynda aýa temperatýrasy klımattyq normadan 1-2 gradýsqa joǵary bolýy múmkin. Eldiń ońtústiginde keı kúnderi aýa temperatýrasy +45 gradýsqa deıin kóteriledi.
