Joba alkogolsiz jáne álsiz alkogoldi sýsyndardyń tujyrymdamalyq dızaıny atalymynda úzdik dep tanylyp, álemniń túkpir-túkpirinen kelgen 1500-den astam jumysty basyp ozǵan.
SAF Qymyz – dástúrli qymyzdy zamanaýı úlgide jańasha usynǵan joba. Qazaqtyń kesesinen shabyt alǵan avtorlar alıýmınıı qutysynyń dızaınyn mınımalıstik úlgide ázirlegen. Al «SAF» ataýy qazaq tilindegi «saf», «taza» degen maǵynany bildiredi.
«DIELINE Awards álemdegi qaptama dızaıny boıynsha eń bedeldi marapattardyń biri sanalady. SAF Qymyz jobasynyń jeńisi otandyq kreatıvti ındýstrııanyń áleýetin kórsetip, Almatydan shyqqan jobalardyń halyqaralyq deńgeıde moıyndalyp jatqanyn dáleldeı tústi», delingen habarlamada.
Basqarma ókilderiniń aıtýynsha, mundaı bastamalar Almaty qalasynyń ulttyq mádenıetti dızaın, gastronomııa jáne shyǵarmashylyq ındýstrııa arqyly jańǵyrta alatyn zamanaýı kreatıvti ortalyq retindegi bedelin arttyra túsedi.
