О́zbekstan Respýblıkasynyń Prezıdenti Shavkat Mırzıeevtiń Qazaqstanǵa memlekettik sapary aıasynda uıymdastyrylǵan sharada eki el kásipkerleriniń qatysýymen B2B formatynda kelissózder júrgizildi. Kópshilik ońtústiktegi kórshiniń ónerkásiptik jáne tutyný taýarlary kórmesin tamashalady. Onda jeńil ónerkásip, mashına jasaý, azyq-túlik, qurylys jáne basqa da salalardaǵy júzden astam kompanııanyń ónimderi usynylǵan.
Basqosýda «Atameken» ulttyq kásipkerler palatasy tóraǵasynyń orynbasary Nurjan Áltaev sóz sóıledi. Ol bul sharanyń Qazaqstan men О́zbekstan arasyndaǵy ekonomıkalyq qarym-qatynastyń jańa bastaýy bolatynyna senim bildirdi. «О́zbekstan Prezıdenti Shavkat Mırzıeevtiń sapary aıasynda birqatar ózbek kásiporyndary Qazaqstanǵa keldi. Bıznes forýmǵa eki jaqtan 500-den asa kásipker qatysyp otyr. Qos tarap ókilderiniń arasynda quny 840 mıllıon dollar bolatyn 92 kelisimshartqa qol qoıyldy. Jıynnyń sońynda quny 94 mln dollarlyq taǵy 10 qujatqa qol qoıylady. Bıznesmender úshin mańyzdy qujattar bar», dedi Nurjan Áltaev.
О́zbekstan Saýda-ónerkásip palatasynyń tóraǵasy Alısher Shaıhovtyń málimetinshe, ózbek tarapy Qazaqstan shekarasyna jaqyn ornalasqan aýmaqtarda erkin ekonomıkalyq aımaqtardyń jumysyn damytpaq. «Árıne, barlyq salalarda qatynastardy damytýǵa jaǵdaı bar ekenin kórip otyrmyz. Eki eldiń arasynda qol qoıylǵan 170 kelisim yntymaqtastyqty damytý úshin óte mańyzdy zańnamalyq negiz bolyp tabylady. Bul turǵyda tatýlyǵymyzdy ártaraptandyrý úshin úlken múmkindikter bar, ıaǵnı jańa óndiristerdi О́zbekstan men Qazaqstan aýmaǵynda qurý baǵytynda yntalandyrýshy qadamdar jetkilikti. Búginde biz О́zbekstan aýmaǵynda qyzmet etip jatqan ónerkásiptik erkin ekonomıkalyq aımaqtarmen qatar, jańalaryn qurýdy josparlaýdamyz. Olar qos el shekarasynan alys ornalaspaıdy, osy oraıda sizderdiń jáne bizdiń bıznestiń birlesip qatysýy jahandyq naryqta básekege qabilettilikti arttyra túsedi», dedi A.Shaıhov bıznes-forým barysynda. Onyń sózinshe, Qazaqstan men О́zbekstan arasyndaǵy yntymaqtastyqtyń ońtaıly bolýy úshin atqarylatyn jumystar ózara sáıkestik ustanymdarymen júrgizilýi tıis. Sondyqtan barlyq resýrstardy iske qosý qajettiligi týýda.
«Bıznes saýdadan bastalady. О́zbekstan men Qazaqstan – Jibek jolynyń ortasynda bolǵan elder. Sol sebepti logıstıkany damytyp, birlesken kəsiporyndar quryp, úshinshi elderdiń naryǵyna shyǵýǵa bolady», degen A.Shaıhov eki eldiń saýda aınalymyn 5 mıllıard dollarǵa jetkizý múmkin ekenin málimdedi. «Bıznes- forýmnyń aldynda quny 800 mıllıon dollardan asatyn kelisimsharttarǵa qol qoıdyq. Keshke deıin qol qoıylǵan kelisimsharttar quny 100 mıllıon dollarǵa jetedi dep oılaımyn. Jalpy, eki eldiń arasyndaǵy saýda aınalymdy bes mıllıard dollarǵa jetkizý mindeti tur», dedi ol.
Bul rette, ınvestısııa tartý máselesine toqtalǵan О́zbekstan ókili ınvestısııa kólemi kásipkerlerdiń ózine baılanysty ekenin, ony tartý úshin eki eldiń əleýeti jetetindigin tilge tıek etti.
Aıta ketken jón, О́zbekstan tarapy elimizge hımııa taýarlary, elektrotehnıka, sharap, teri, aıaq kıim jóneltýdi kózdep otyr. Al Qazaqstan kórshi memleketke alıýmınıı qorytpasy men metall prokatyn satýǵa nıetti. Bul jobalardyń quny shamamen 30 mıllıon dollarǵa teń bolady. Byltyr eki el arasyndaǵy taýar aınalymynyń kólemi 1,5 mıllıard dollardan asqan. Sarapshylar aldaǵy úsh jylda bul kórsetkish 5 mıllıard dollarǵa jetýi ábden múmkin dep otyr.
Ashat RAIQUL,
«Egemen Qazaqstan»
