Homsters.kz sarapshylarynyń pikirinshe, naýryzdaǵy baǵanyń tómendeýi birkelki bolǵan joq.
Máselen, Astana qalasynad baǵa 0,2 paıyzǵa túsip, sharshy metrdiń ortasha baǵasy 332,9 myń teńge bolsa, Almatyda 1,3 paıyz arzap, 345,5 myń teńge boldy. Al Shymkenttegi arzandaý deńgeıi 0,7 paıyzdy qurap, 194,3 myń teńgege turaqtady.
«Aqpan aıymen salystyrǵanda baǵanyń turaqtalýy baıqalady. О́ıtkeni aqpanda sharshy metrdiń baǵasy 2-2,5 paıyzǵa deıin tómendegen. Oǵan sebep sol kezdegi dollardyń teńgege shaqqandaǵy baǵamynyń tómendeýi. Jalpy, ol kezdegi baǵanyń tómendeýi 2015 jyldan bergi saqtalyp kele jatqan úrdistiń jalǵasy edi", - deıdi sarapshylar.
Olardyń aıtýynsha, aımaqtardaǵy baǵanyń ártúrli arzandaý sol óńirlerdegi baspanaǵa degen suranystyń áseri bolýy kerek. О́ıtkeni, Astanada suranys joǵary bolǵandyqtan, muúndaǵy baǵa da aıtarlyqtaı arzandaǵan joq.
Sonymen qatar, halyqtyń aqshalaı tabysynyń ózgerissiz qalýy da baǵaǵa keri áserin etken boýly tıis.
«Jańadan salynǵan úılerdegi baǵa ózgerissiz qaldy. О́ıtkeni, qazirgi tańda halyq arasynda jańa úılerge degen suranys jaqsy. Ekinshi bir faktor, qurylys kompanııalary kishigirim ózgeristerge bola ózderiniń tabystaryn joǵaltqysy kelmeı, baǵany birqalypty ustap turdy", - deıdi sarapshylar.
Al sáýir aıynda sarapshylar jańa úılerdiń baǵasynyń turaqty saqtalyp, qaıtalama naryqtaǵy úıler baǵasynyń 0,6-0,8 paıyz arzandaýy múmkin ekenin joramaldaıdy.
Jalpy, olardyń aıtýynsha, jyl sońyna deıin úı baǵasy Qazaqstan boıynsha 7-10 paıyzǵa arzandaýy tıis.
