"Iаǵnı, qosymshany ózińizdiń kez kelgen gadjetińizge (uıaly telefon nemese planshet) júktep, tirkelesiz jáne tekserý taǵaıyndalǵan jaǵdaıda sizdiń gadjetińizge «Sizge tekserý DATA keledi» mátinimen Push-habarlama kelip túsedi.
Habarlamaǵa bassańyz, tolyq kórinis ashylady – tekserýshi organ, tekserýshiniń TAÁ, sondaı-aq tekserýdiń túri, máni jáne merzimi.
Sizge tekserýmen keldi delik. Tekserýshi 14 tańbaly tirkeý nómiri bar tekserý taǵaıyndaý týraly Aktini usynýǵa mindetti. Siz sol Aktiniń nómirin engizip, barlyq qajetti aqparatty alasyz (joǵaryda aıtylǵandaı)... jáne de mysaly, basqa tekserýshi kelse, nemese taǵaıyndaý Aktisinde kórsetilgen tekserý merzimi ótip ketse, onda tekserý zańsyz bolyp tabylady!
Bul jaǵdaıda, siz shaǵymdana alasyz, shaǵymdy Komıtettiń aýmaqtyq organdary qaraıtyn bolady jáne jaǵdaı rastalǵan bolsa, barlyq mán-jaıdy túsiný úshin mobıldi top jiberiledi.
Sonymen qatar, eń ózekti degen máselelerdi jáne olarǵa daıyn jaýaptardy qamtıtyn FAQ bar.Qosymshany Android, sondaı-aq iOS qurylǵylarynda júkteýge bolady (iOS boıynsha tehnıkalyq turǵyda barlyǵy daıyn!, AppStore-dan rastaýdy kútip otyrmyz – sondyqtan aıfonmen qoldanatyndarǵa kúte turýǵa týra keledi).
2017 jyldyń 1-toqsany boıynsha 34 myńǵa jýyq tekserý taǵaıyndaly, onyń ishinde kásipkerlerge qatystysy 16,5 myńnan astam. Tirkeý satysynda Komıtet tek 250 negizsiz tekserýdiń jolyn kesti.
Aıtarym, eger buryn tirkeýden keıin biz onyń júrý prosesin baqylaı almadyq (merziminde júrgizildi me, tekserýshiler taǵaıyndady ma jáne t.b.). Al endi «Qamqor» qosymshasy tekserý prosesin qosymsha baqylap otyrýǵa, sol arqyly kásipkerler men bıznesmenderdi tekserýshilerdiń zańsyz áreketterinen qorǵaýǵa jáne kómektesýge múmkindik beredi!" - deıdi Baǵdat Mýsın.
