– Bul másele kásipkerler úshin óte ózekti, kommersııalyq bankterdiń de múddesin qozǵaıtyny ras. Sondyqtan, óńirlik karta kórsetilgen jobalardy qarjylandyrýdy utymdy uıymdastyrý qajet. Oblys basshylyǵymen biz óńirdiń ınvestısııalyq múmkindigin qaradyq. Kúshti shashyratpaı, qarjyny qaıda shoǵyrlandyrý qajettigin túsinýimiz qajet. Eń aldymen, aýylsharýashylyq ónimin óńdeý máselesi adyńǵy orynda bolýy tıis. Ábden anyqtalǵan jobalar tizimin «Atameken» arqyly Úkimetke jáne sheteldik ınvestorlar nazaryna usynamyz, – dedi Tımýr Qulybaev.
Ulttyq palata tóralqasynyń tóraǵasy qazir mınıstrlikter deńgeıinde salyq zańdylyǵyn jeńildetý týraly másele qaralyp jatqandyǵynan habardar etti. Búginde palataǵa júgingen ár tórtinshi kásipker salyq týraly sóz qozǵaıdy eken.
Basqosýda aýyl sharýashylyǵyndaǵy qıyndyqtar da aıtyldy. Kásipkerlerdiń óńirlik palatasynyń dırektory Murat Ábenov aýyl sharýashylyǵyndaǵy kásipkerlerdiń nesıe alýǵa kepilderiniń bankke ótimsizdigin aıtty. О́ńirde jeńildikpen shaǵyn qarjylandyratyn uıymdar qurý qoldaý tapty. Qostanaı oblysynda turǵyndar 8 aıdyń ishinde «Atameken-Qostanaı» shaǵyn qarjylandyrý uıymy arqyly 344 mıllıon teńgege 93 zaım alǵan. Ol mal sharýashylyǵynda, qoǵamdyq tamaqtandyrýda, júk tasymalynda jańa jobalardyń ashylýyna múmkindik bergen.
Tımýr Qulybaev bastaǵan top Kásipkerlerge qyzmet kórsetý ortalyǵynda, «Baıan sulý» kondıter fabrıkasynda boldy.
Názıra JÁRIMBETOVA,
«Egemen Qazaqstan»
QOSTANAI
