Shyǵys Qazaqstan oblysy ótken jyly ana ólimi tirkelmegen sanaýly óńirlerdiń qatarynda ataldy. Sonymen qatar óńirde medısınalyq kadrlardyń tapshylyǵyna baılanysty birqatar júıeli máseleler bar ekeni, sondaı-aq bir jasqa deıingi balalardy vaksınasııalaý boıynsha belgilengen kórsetkishtiń tolyq oryndalmaǵany aıtyldy.
Oblysta ǵylymdy damytý máselesine de erekshe nazar aýdaryldy. Bul salada aıtarlyqtaı nátıje bar. Atap aıtqanda, 664 ǵylymı jumys jarııalanyp, 67 ázirleme óndiriske engizilgen. О́ńirde óńdeýshi ónerkásipke arnalǵan kobaltsyz qatty qorytpalar ázirlenip jatyr, sondaı-aq travmatologııa men ortopedııada qoldanylyp jatqan 20-dan astam medısınalyq ımplantat túri jasalady.
Sonymen qatar oblysta orta bilim berý sapasyn arttyrýǵa baǵyttalǵan jumysty kúsheıtý qajettigi atap ótildi. О́ńirde erekshe nazar aýdarýdy talap etetin basym baǵyttar aıqyndalyp, sonyń ishinde oqýshylardyń oqý, matematıkalyq jáne jaratylystaný-ǵylymı saýattylyǵyn júıeli túrde damytý jumystaryn jandandyrý qajettigi kórsetildi.
Eńbek jáne halyqty áleýmettik qorǵaý mınıstrligi derekterine sáıkes, óńirde jumyssyzdar sany, onyń ishinde jastar arasyndaǵy jumyssyzdyqtyń artqany baıqalady. О́ndiristik jaraqattaný máseleleri de ózekti bolyp otyr.
О́ńirde týrıstik ınfraqurylymdy, navıgasııa men salany aqparattyq qoldaýdy, sondaı-aq ınklıýzıvti sportty damytý qosymsha nazar aýdarýdy qajet etedi.
Jıyn qorytyndysy boıynsha Aıda Balaeva áleýmettik salada kórsetiletin qyzmetterdiń sapasyn arttyrý, halyq arasynda aqparattyq-túsindirý jumystaryn kúsheıtý men vedomstvoaralyq ózara is-qımyldy jolǵa qoıý jóninde naqty tapsyrmalar berdi.
