«Almaty metropolıteni» KMK baspasóz qyzmetiniń habarlaýynsha, qaýipsizdik sharasy aıasynda eń birinshi kezekte baqylaý jumystary kúsheıtilgen. Bul baǵytta IIB-men birlesken uıymdastyrýshylyq sharalary júrgizilip jatyr.
«Metallizdeýshi, rentgen-televızııalyq ótkizbe jolymen jabdyqtalǵan arnaıy apparat arqasynda barlyq jolaýshy baqylaýdan ótedi. Jolaýshylarǵa qaýipsizdik sharalaryna túsinistikpen qaraý suraldy. Baqylaý sharalarynyń kúsheıtilýi jolaýshylardyń poıyzdarǵa ótý ýaqytyna kedergi keltirmeýi kerek. Sebebi, qaýipsizdik sharalary turaqty túrde júrgizilip otyrady», - delingen habarlamada.
Esterińizge sala ketsek, 3 sáýir kúni Sankt-Peterbýrg metropolıteninde «Sennaıa ploshad» jáne «Tehnologıcheskıı ınstıtýt-2» stansalary arasynda jarylys bolyp, 11 adam qaza tapty.
